ଅଟୋରେ ଭାଣିଜୀ ବିବାହକୁ ଗଲେ ରବୀନା, ଭିଡିଓ ଭାଇରାଲ

କାର ନମିଳିବାରୁ ଅଟୋ ରିକ୍ସାରେ ଭାଣିଜୀ ବିବାହରେ ପହଞ୍ଚିଲେ ଫେମସ ଅଭିନେତ୍ରୀ ରବୀନା ଟଣ୍ଡନ। ଯାହାର ଭିଡିଓ ସୋସିଆଲ ମିଡିଆରେ ସେୟାର କରି ଦର୍ଶକଙ୍କୁ ଏହାର କାରଣ ଜଣାଇଲେ।

ମୁମ୍ବାଇ: ଏବେ ବିବାହ ସିଜନ ଚାଲିଛି। ଆଉ ସେଲିବ୍ରିଟି ପ୍ରାୟତଃ କୌଣସି ନା କୌଣସି ବିବାହ ଆଟେଣ୍ଡ କରୁଥିବାର ନଜର ଆସୁଛନ୍ତି। ନିକଟରେ ରବୀନା ଟଣ୍ଡନ ମଧ୍ୟ ନିଜ ଭାଣିଜିଙ୍କ ବିବାହରେ ସାମିଲ ହୋଇଥିଲେ। ହେଲେ ବିବାହରେ ପହଞ୍ଚିବା ପାଇଁ ସେ କୌଣସି ଦାମି କାରରେ ଯାତ୍ରା କରିନଥିଲେ ବରଂ ଏକ ଅଟୋରେ ଯାତ୍ରା କରି ବର୍ତ୍ତମାନ ଚର୍ଚ୍ଚାରେ। ଅଟୋ ଯାତ୍ରା ସମୟରେ ତାଙ୍କ ଝିଅ ମଧ୍ୟ ଉପସ୍ଥିତ ଥିଲେ।

ଏହାର ଖୁଲାସା ରବୀନା ନିଜ ଇନଷ୍ଟାଗ୍ରାମରେ କରିଛନ୍ତି । ସେ ଫ୍ୟାନ୍ସଙ୍କୁ ଜଣାଇଛନ୍ତି ବିବାହରେ ସାମିଲ ହେବାକୁ କାହିଁକି ସେ ଅଟୋ ରିକ୍ସାର ସାହାଯ୍ୟ ଲୋଡିଥିଲେ। ସେ ଦୁଇଟି ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି, ‘ମୁଁ ଜଲଦି ଜଲଦିରେ ଅଟୋରେ ବସିଗଲି। କାରଣ କାରର ଅପେକ୍ଷା କରି ମୁଁ ମୋ ଭାଣିଜି ମେହେନ୍ଦୀ ସେରେମନୀ ପାଇଁ ଲେଟ ହୋଇଯାଇଥିଲି।’

ପ୍ରଥମ ଭିଡିଓରେ ରବୀନା ପଛରୁ ଅଟୋ ଡ୍ରାଇଭରର ଭିଡିଓ ରେକର୍ଡ କରୁଥିବାର ନଜର ଆସୁଛନ୍ତି। ସେହିପରି ଦ୍ବିତୀୟ ଭିଡିଓରେ ଡ୍ରାଇଭରଙ୍କ ସହ କଥାବାର୍ତ୍ତା ହେଉଥିବାର ଦେଖାଯାଉଛନ୍ତି ସେ। ଅଟୋ ଡ୍ରାଇଭରଙ୍କ ନାମ ଅର୍ଶଦ। ଆଉ ସେ ରବୀନାଙ୍କ ବଡ ଫ୍ୟାନ ମଧ୍ୟ। ସେ ରବୀନାଙ୍କ 20ରୁ 25 ଫିଲ୍ମ ଦେଖିସାରିଛନ୍ତି ବୋଲି ଜଣାଇଛନ୍ତି। ଆପଣଙ୍କ ମଧ୍ୟ ଦେଖନ୍ତୁ ରବୀନାଙ୍କ ଏହି ଭିଡିଓ...