ବାଦଶାହଙ୍କ ‘ଗେନ୍ଦା ଫୁଲ’ରେ ରଶ୍ମୀଙ୍କ ଜବରଦସ୍ତ ଠୁମକା

ଭାଇରାଲ ହେଲା ଛୋଟ ପରଦାର ଫେମସ ଅଭିନେତ୍ରୀ ରଶ୍ମୀ ଦେସାଇ ନୂଆ ଭିଡିଓ। ଅଭିନେତ୍ରୀ ଦୀପିକା ସିଂଙ୍କ ଚ୍ୟାଲେଞ୍ଜକୁ ଗ୍ରହଣ କରି ନାଚିଲେ ସେ...

ମୁମ୍ବାଇ: କିଛି ଦିନ ପୂର୍ବରୁ ରିଲିଜ ହୋଇଥିବା ବାଦଶାହ ଓ ଜ୍ୟାକଲିନ ଫର୍ଣ୍ଣଡେଜଙ୍କ ‘ଗେନ୍ଦା ଫୁଲ’ ସୋସିଆଲ ମିଡିଆରେ ବର୍ତ୍ତମାନ ଚହଳ ସୃଷ୍ଟି କରିଛି। ଗୀତଟି ଏତେ ପପୁଲାର ହୋଇଯାଇଛି ଯେ ପ୍ରାୟ ସମସ୍ତେ ନିଜ ନିଜ ସୋସିଆଲ ମିଡିଆରେ ଗୀତରେ ଡାନ୍ସ କରି ଭିଡିଓ ସେୟାର କରିବାରେ ଲାଗିଛନ୍ତି। ଏଥରୁ ବାଦ ପଡିନାହାଁନ୍ତି ସେଲିବ୍ରିଟି ମଧ୍ୟ। ଏବେ ଏହି କ୍ରମରେ ସାମିଲ ହୋଇଛନ୍ତି ବିଗ ବସ 13ର ଫେମସ ପ୍ରତିଯୋଗୀ ରଶ୍ମୀ ଦେସାଇ।

ରଶ୍ମୀଙ୍କୁ ଅଭିନେତ୍ରୀ ଦୀପିକା ସିଂ ଏହି ଚ୍ୟାଲେଞ୍ଜ ଦେଇଥିଲେ। ଯେଉଁଥିରେ ସେ ଜବରଦସ୍ତ ଡାନ୍ସ କରି ଫ୍ୟାନ୍ସଙ୍କ ଟେମ୍ପରେଚର ବଢାଇ ଦେଇଛନ୍ତି। ଯାହାକୁ ଇନଷ୍ଟାଗ୍ରାମରେ ସେୟାର କରି ଦୀପିକାଙ୍କୁ ଧନ୍ୟବାଦ ଜଣାଇବା ସହ ନିଜ ମନ କଥା ବଖାଣିଛନ୍ତି।

ଏହି ଅବସରରେ ସେ କହିଛନ୍ତି ଯେ ବାଦଶାହଙ୍କ ସହ ଏକ ମ୍ୟୁଜିକ ଭିଡିଓ କରିବା ତାଙ୍କ ସ୍ବପ୍ନ। ଏଥି ନିମନ୍ତେ ସେ ଯଦି କୌଣସି ସିଙ୍ଗଲ କରିବେ ତେବେ ବାଦଶାହଙ୍କ ସହ କରିବେ। ସେ ବାଦଶାହଙ୍କ ବଡ ପ୍ରଶଂସକ । ତାଙ୍କ ସବୁ ଗୀତ ମନ କିଣିଥାଏ। ଆଉ ତାଙ୍କ ‘ଗେନ୍ଦା ଫୁଲ’ ଗୀତଟି କ୍ରିଏଟିଭ ଭରା।