ମୁମ୍ବାଇ:ଦୁବାଇର ଉଚ୍ଚତମ ଅଟ୍ଟାଳିକା ବୁର୍ଜ ଖଲିଫାରେ ଦେଖିବାକୁ ମିଳିଛି ରଣବୀର ସିଂ ଓ ଦୀପିକା ପାଦୁକୋନଙ୍କ ଅଭିନୀତ ବଲିଉଡ଼ ଫିଲ୍ମ '83'ର ଝଲକ । ଏହି ଫିଲ୍ମଟି ୧୯୮୩ କ୍ରିକେଟ ବିଶ୍ବକପ ବିଜୟ ସହିତ ଭାରତୀୟ କିମ୍ବଦନ୍ତୀ କ୍ରିକେଟର କପିଲ ଦେବଙ୍କ ଜୀବନ କାହାଣୀ ଉପରେ ଆଧାରିତ ।
ବୁର୍ଜ ଖଲିଫା ଅଟ୍ଟାଳିକାରେ କପିଲ ଦେବଙ୍କ ଭୂମିକାରେ ଥିବା ରଣବୀରଙ୍କ ଫଟୋ ପ୍ରଦର୍ଶିତ ହେଉଛି । ଏହାକୁ ଦେଖି ଫିଲ୍ମର ନିର୍ଦ୍ଦେଶକ କବୀର ଖାନଙ୍କ ସମେତ ପତ୍ନୀ ମିନି ମାଥୁର, ରଣବୀର ସିଂ ଓ ଦୀପିକା ପାଦୁକୋନ ଏହି ମୁହୂର୍ତ୍ତକୁ ଉପଭୋଗ କରୁଥିବାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି । ଏହାର ସ୍କ୍ରିନିଂ ସମୟରେ ରଣବୀରଙ୍କୁ ଦୀପିକାଙ୍କ ଚାହାଣିକୁ ସୋସିଆଲ ମିଡ଼ିଆରେ ଫ୍ୟାନ୍ସମାନେ ଅଧିକ ଆଲୋଚନା କରୁଥିବା ଦେଖିବାକୁ ମିଳିଛି ।
ଏହି ଭିଡ଼ିଓରେ ରଣବୀର ସୁନେଲି ରଙ୍ଗର ପୋଷାକ ପିନ୍ଧିଥିବା ବେଳେ ଦୀପିକା ରେଡ ସଟ୍ ଡ୍ରେସ ସହିତ ସମାନ ରଙ୍ଗର ଷ୍ଟକିଂ ଓ ପମ୍ପ୍ ହିଲ୍ ପିନ୍ଧିଛନ୍ତି । ଏହାସହିତ ସେ ନିଜର କେଶକୁ ଏକ ନାଲି ରଙ୍ଗର ହେୟାରବ୍ୟାଣ୍ଡରେ ବାନ୍ଧିଛନ୍ତି । ବୁଧବାର ଏହି ଫିଲ୍ମକୁ ଦର୍ଶକ ଷ୍ଟାଣ୍ଡିଂ ଓଭେସନ(Standing Ovation) ଦେଇଥିଲେ । ଏହି ଫିଲ୍ମଟି ସାଉଦି ଆରବିଆର ଜେଦାରେ ଆୟୋଜିତ ରେଡ ସି ଫିଲ୍ମ ଫେଷ୍ଟିଭାଲ(Red Sea Film Festival)ରେ ସ୍କ୍ରିନିଂ ହୋଇଥିଲା ।
ଏଥିରେ ରଣବୀର, ଦୀପିକାଙ୍କ ସହିତ ନିର୍ଦ୍ଦେଶକ କବୀର ଓ ମିନି ମାଥୁର ଯୋଗ ଦେଇଥିଲେ । ଏହି ଫିଲ୍ମରେ ଦୀପିକା କପିଳ ଦେବଙ୍କ ପତ୍ନୀ ରୋମିଙ୍କ ଭୂମିକାରେ ନଜର ଆସିବେ । ଫିଲ୍ମଟି ଆସନ୍ତା ଡିସେମ୍ବର ୨୪ ତାରିଖରେ ହିନ୍ଦୀ ଭାଷା ସହିତ ତାମିଲ, ତେଲୁଗୁ, କନ୍ନଡ଼ ଓ ମାଲାୟାଲାମ ଭାଷାରେ ରିଲିଜ ହେବ ।
@ANI
