ସେଲ୍ଫ ଆଇସୋଲେସନରେ ରଣବୀରଙ୍କ ଭୟାନକ ଅବସ୍ଥା, ଦେଖନ୍ତୁ ଫଟୋ

ସୋସିଆଲ ମିଡିଆରେ ଭାଇରାଲ ହେଲା ରଣବୀର ସିଂଙ୍କ ନୂଆ ଫଟୋ। ଯାହାକୁ ଦେଖି ଡରିଯାଇଛନ୍ତି ଫ୍ୟାନ୍ସ...

ମୁମ୍ବାଇ: କୋରୋନା ଭାଇରସ ବଢିବାରେ ଲାଗିଛି। ଚୀନରୁ ଆରମ୍ଭ ହୋଇଥିବା ଏହି ଭାଇରସରେ ଅନେକ ଲୋକ ସଂକ୍ରମିତ ହୋଇସାରିଲେଣି । ଆଉ ଅନେକ ନିଜ ଜୀବନ ମଧ୍ୟ ହାରିସାରିଲେଣି। ଭାରତରେ ଏଯାବତ ଏହି ସଂକ୍ରମଣରେ 407 ସଂକ୍ରମିତ ମାମଲା ସାମ୍ନାକୁ ଆସିଛି। ଜନସାଧାରୁଣଠୁ ନେଇ ବଲିଉଡ ସେଲିବ୍ରିଟି ମଧ୍ୟ କୋରୋନାରୁ ବଞ୍ଚିବା ପାଇଁ ସେଲ୍ଫ ଆଇସୋଲେସନରେ ବର୍ତ୍ତମାନ ଅଛନ୍ତି। ସମସ୍ତେ ଘରେ ରହି ଏହି ଭାଇରସରୁ ନିଜକୁ ପ୍ରୋଟେକ୍ଟ କରୁଛନ୍ତି।

ସେହିପରି ବଲିଉଡର ହଟ କପଲ ଦୀପିକା ପାଦୁକୋନ ଓ ରଣବୀର ସିଂ ମଧ୍ୟ କିଛି ଦିନରୁ ଆଇସୋଲେସନରେ ଅଛନ୍ତି। ଇତିମଧ୍ୟରେ ରଣବୀର ସୋସିଆଲ ମିଡିଆରେ ଏକ ଫଟୋ ସେୟାର କରି ଫ୍ୟାନ୍ସଙ୍କୁ ଡରାଇ ଦେଇଛନ୍ତି। ସେ ଇନଷ୍ଟାଗ୍ରାମରେ ନିଜର ଏକ ଭୟାନକ ଲୁକ ସେୟାର କରିଛନ୍ତି। ଯେଉଁଥିରେ ତାଙ୍କ ଲମ୍ବା କେଶ, କଳା ଆଖି ଆଉ ଶୁଖିଲା ଓଠ ଦେଖିବାକୁ ମିଳୁଛି। ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଯେବେ ଆପଣ କ୍ବାରେଣ୍ଟାଇନରୁ ବାହାରକୁ ଆସିବ।’

ପ୍ରକାଶ ଥାଉକି ଏହି ଫଟୋ ପୂର୍ବରୁ ରଣବୀ ଓ ଦୀପିକା ଜନତା କର୍ଫ୍ୟୁ ସନ୍ଧ୍ୟାରେ ଡ୍ରମ ଓ ଘଣ୍ଟି ବଜାଉଥିବାର ଏକ ଭିଡିଓରେ ନଜର ଆସିଥିଲେ । ଯଦି ଫିଲ୍ମ ବିଷୟରେ କଥା ହେବା, ତେବେ ଏହି ଯୋଡି ଖୁବଶୀଘ୍ର କବୀର ଖାନଙ୍କ ନିର୍ଦ୍ଦେଶିତ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ରେ ନଜର ଆସିବେ ।