ମୁମ୍ବାଇ: ଆଉ କିଛି ଦିନ ପରେ ବି-ଟାଉନର ପାୱାରଫୁଲ କପଲ ରଣବୀର ସିଂ ଓ ଦୀପିକା ପାଦୁକୋନ ନିଜର ପ୍ରଥମ ବିବାହ ବାର୍ଷିକ ପାଳନ କରିବାକୁ ଯାଉଛନ୍ତି । ଯାହା ପାଇଁ ଏବେ ଠାରୁ ପ୍ରସ୍ତୁତି ମଧ୍ୟ ଆରମ୍ଭ କରିଦେଇଛନ୍ତି ଏହି ଯୋଡି । ବିବାହ ପରେ ପ୍ରଥମଥର ଏକାଠି ସ୍ପୋର୍ଟସ ବାୟୋପିକ ଫିଲ୍ମ ‘83’ରେ ନଜର ଆସିବେ ଦୀପିକା ଓ ରଣବୀର । ଦୀର୍ଘ ସମୟ ପରେ ନିଜ ଫେଭରେଟ ଯୋଡିକୁ ପରଦାରେ ଦେଖିବାକୁ ନେଇ ସେପଟେ ଫ୍ୟାନ୍ସ ମଧ୍ୟ ଖୁବ୍ ଏକ୍ସାଇଟେଡ ।
ଦୀପିକା ଓ ରଣବୀର ଦୀର୍ଘ ସମୟରୁ ନିଜ ଜବରଦସ୍ତ କେମେଷ୍ଟ୍ରି ଜରିଆରେ ସମସ୍ତଙ୍କ ହୃଦୟ ଚୋରି କରିଆସୁଛନ୍ତି । ଏହି ପତି-ପତ୍ନୀ ପାଖାପାଖି 6 ବର୍ଷରୁ ପରସ୍ପର ଡେଟ କରିଆସୁଥିଲେ । ଆଉ ପରିଶେଷରେ ଦୁଇଜଣ ଗତ ବର୍ଷ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଦୁଇଜଣଙ୍କ ଅନସ୍କ୍ରିନ ରୋମାନ୍ସର ଯାତ୍ରା ଅଫ ସ୍କ୍ରିନ ପର୍ଯ୍ୟନ୍ତ ଖୁବ୍ ସୁନ୍ଦର । ଇତିମଧ୍ୟରେ ଦୁଇଣଜଙ୍କ ଏକ ଥ୍ରୋବ୍ୟାକ ଫଟୋ ସୋସିଆଲ ମିଡିଆରେ ଦେଖିବାକୁ ମିଳୁଛି ।