କୋ-ଷ୍ଟାରଙ୍କୁ କିସ୍ କରି ଚର୍ଚ୍ଚାରେ ଖିଲଜି, ଭାଇରାଲ ଭିଡିଓ

ପୁଣି ମସ୍ତିଭରା ଅନ୍ଦାଜକୁ ନେଇ ଛାଇଲେ ରଣବୀର ସିଂ । ଭାଇରାଲ ହେଲା ତାଙ୍କ କିସ୍ ଭିଡିଓ । ଏଥର ସେ ପତ୍ନୀଙ୍କୁ ନୁହେଁ ନିଜ କୋ-ଷ୍ଟାର ଜତିନଙ୍କୁ କିସ୍ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।

ମୁମ୍ବାଇ: ବି-ଟାଉନର ଖିଲଜି ରଣବୀର ସିଂ ସବୁବେଳେ ନିଜ ବିନ୍ଦାସ ଅନ୍ଦାଜ ପାଇଁ ଚର୍ଚ୍ଚାରେ ଆସିଥାଆନ୍ତି । ସେ ଯେଉଁଠାକୁ ମଧ୍ୟ ଯାଆନ୍ତି ସେଠାକାର ମାହୋଲ ପୁରା ଏଣ୍ଟରଟେନିଂ ହୋଇଯାଏ । ଗୁରୁବାର ତାଙ୍କର ଏମିତି ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ନିଜ ଆଗାମୀ ଫିଲ୍ମ ‘83’ର କୋ-ଷ୍ଟାର୍ସଙ୍କ ସହ ମସ୍ତି କରୁଥିବାର ନଜର ଆସୁଛନ୍ତି ।

ସବୁଠାରୁ ମଜାଦାର କଥା ହେଲା ଯେ ସେ ଅଭିନେତା ଜତିନଙ୍କୁ ଲିପକିସ୍ ମଧ୍ୟ ଦେଉଥିବାର ଦେଖାଯାଉଛନ୍ତି । ଯାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ଏହାପରେ ରଣବୀର ଫୋନ ଉଠାଇ କହୁଛନ୍ତି ତୁମର ଭାଉଜ ଲାଇବ ଭିଡିଓରେ ଅଛନ୍ତି । ଆମେ ଯାହା କରୁଛି ସବୁ ଦେଖୁଛନ୍ତି ।

କଥାଟି ହେଲା ଯେ ‘83’ ଟିମ ସହ ମସ୍ତି କରିବା ପାଇଁ ରଣବୀର ଜତିନଙ୍କୁ ଲିପକିସ ଦେବାର ଆକ୍ଟିଂ କରିଛନ୍ତି । ଏହାଦେଖି ସେଠାରେ ଥିବା ପୁରା ଟିମ ଖୁବ୍ ହସି ଉଠିଥିଲେ । ଆପଣ ମଧ୍ୟ ରଣବୀରଙ୍କ ଏହି ମସ୍ତିଭରା ଭିଡିଓ ଦେଖି ହସନ୍ତୁ....

ପ୍ରକାଶ ଥାଉକି କବୀର ଖାନଙ୍କ ନିର୍ଦ୍ଦେଶିତ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ରେ ରଣବୀର କ୍ରିକେଟ ଲେଜେଣ୍ଡ କପିଲ ଦେବଙ୍କ ଭୂମିକାରେ ନଜର ଆସିବେ । ବିବାହ ପରେ ପ୍ରଥମଥର ଫିଲ୍ମରେ ତାଙ୍କ ସହ ଅଭିନୟ କରିବାକୁ ଯାଉଛନ୍ତି ତାଙ୍କ ପତ୍ନୀ ଦୀପିକା ପାଦୁକୋନ । ଫିଲ୍ମରେ ସେ କପିଲଙ୍କ ପତ୍ନୀ ରୋମୀ ଦେବୀଙ୍କ ଭୂମିକାର ଦେଖାଯିବେ । ଏବର୍ଷ ଏପ୍ରିଲ 10ରେ ରିଲିଜ ହେବ ଏହି ଫିଲ୍ମ ।