ମୁମ୍ବାଇ: ୧୯୮୩ ବିଶ୍ବ କପ୍ ବିଜୟ ଉପରେ ନିର୍ମାଣ ଫିଲ୍ମ '୮୩' ରିଲିଜ ହୋଇସାରିଛି । ଏହି କାହାଣୀକୁ ନିର୍ଦ୍ଦେଶକ କବୀର ଖାନ ପରଦାରେ ସୁନ୍ଦର ଭାବରେ ପରିବେଷଣ କରିଛନ୍ତି | କପିଲଙ୍କ ଭୂମିକାରେ ନଜର ଆସିଛନ୍ତି ଅଭିନେତା ରଣବୀର ସିଂ । ଫିଲ୍ମରେ ରଣବୀର ସିଂଙ୍କ ଲୁକକୁ ସବୁଆଡେ ପ୍ରଶଂସା କରାଯାଉଛି |
ଏହି ଚଳଚ୍ଚିତ୍ର ଉଭୟ ସମାଲୋଚକ ଏବଂ ଦର୍ଶକଙ୍କ ଦ୍ବାରା ବହୁତ ଭଲ ପ୍ରତିକ୍ରିୟା ମଧ୍ୟ ମିଳିଛି | କିନ୍ତୁ ଯେଉଁ 83 ବକ୍ସ ଅଫିସରେ ଚଉକା ଛକା ମାରିବ ବୋଲି ଆଶା କରାଯାଉଥିଲା, ସେମିତି କିଛି ହୋଇପାରିଲା ନାହିଁ | ଓମିକ୍ରନ୍ ସଂକ୍ରମଣର ବୃଦ୍ଧି, ହଲିଉଡ ଏବଂ ସାଉଥ ଚଳଚ୍ଚିତ୍ର ଏକକାଳୀନ ରିଲିଜ୍ ଏସବୁ 83 ପାଇଁ ଭାରି ପଡିଗଲା | ତେବେ ଆସନ୍ତୁ ଜାଣିବା କେଉଁ କାରଣ ଯୋଗୁଁ ଫିଲ୍ମ 83 ବ୍ୟବସାୟିକ ଭାବେ ହିଟ୍ ପ୍ରମାଣିତ ହୋଇପାରିଲା ନାହିଁ |
ସର୍ବପ୍ରଥମେ, 83ର ପ୍ରଥମ ସପ୍ତାହର ବକ୍ସ ଅଫିସ୍ କଲେକ୍ସନର ସଂଖ୍ୟାକୁ ଦେଖିବା ଟ୍ରେଡ ଏନାଲିଷ୍ଟ ତରନ ଆଦର୍ଶ ଚଳଚ୍ଚିତ୍ରର ଯେଉଁ BO ଉପସ୍ଥାପନ କରିଛନ୍ତି, ଯାହା ଅନୁଯାୟୀ 83 ର ଆୟରେ ଏକ ବଡ଼ ହ୍ରାସ ପାଇଛି | ଶୁକ୍ରବାର ଦିନ ଫିଲ୍ମଟି 12.64 କୋଟି ସହିତ ଓପନିଂ କରିଥିଲା | ଏହା ପରେ ଶନିବାର ଦିନ 16.95 କୋଟି ଏବଂ ରବିବାର ଦିନ 17.41 କୋଟି ସଂଗ୍ରହ କରିଥିଲା, ତା’ପରେ ସୋମବାର ଫିଲ୍ମର ବକ୍ସ ଅଫିସ ସଂଖ୍ୟାରେ 10 କୋଟି ପାର୍ଥକ୍ୟ ନଜର ଆସିଥିଲା |
ଚତୁର୍ଥ ଦିନରେ 83 ଟି 7.29 କୋଟି ସଂଗ୍ରହ କରିଥିଲା | ଏହି ଚଳଚ୍ଚିତ୍ରଟି ଚାରି ଦିନରେ 54.29 କୋଟି ରୋଜଗାର କରି ହାଫ୍ ସେଞ୍ଚୁରୀ କଲେକ୍ସନ କରିଛି | ତେବେ ଚଳଚ୍ଚିତ୍ରରେ ଅନେକ ଗୀତ ଅଛି ଯାହା ଦର୍ଶକଙ୍କ ହୃଦୟକୁ ସ୍ପର୍ଶ କରିପାରିନାହିଁ | ବରଂ ଫିଲ୍ମ ରିଲିଜ୍ ହେବା ପୂର୍ବରୁ ଯେତେବେଳେ 'ଲେହରା ଦୋ' ରିଲିଜ୍ ହୋଇଥିଲା, ସେତେବେଳେ ମଧ୍ୟ ଦର୍ଶକଙ୍କ ଭଲ ପ୍ରତିକ୍ରିୟା ମିଳି ନଥିଲା।
