ଭଂସାଲୀଙ୍କ ଆଗାମୀ ଫିଲ୍ମରେ ରଣବୀର-ଆଲିୟାଙ୍କ ରୋମାନ୍ସ

ରଣବୀର ସିଂ ଓ ଆଲିୟା ଭଟ୍ଟଙ୍କ ଜବରଦସ୍ତ ଅଭିନୟ ‘ଗଲି ବୟ’ରେ ଦେଖିସାରିଛନ୍ତି ଦର୍ଶକ। ଆଉ ଖୁବଶୀଘ୍ର ପୁଣି ପରଦାରେ ନଜର ଆସିପାରନ୍ତି ଏହି ଯୋଡି।

ମୁମ୍ବାଇ: ଫେମସ ନିର୍ମାତା ସଞ୍ଜୟ ଲୀଲା ଭଂସାଲୀ ବର୍ତ୍ତମାନ ନିଜ ଆଗାମୀ ଫିଲ୍ମ ବୈଜୁ ବାୱରାକୁ ନେଇ ଚର୍ଚ୍ଚାରେ। ଫିଲ୍ମର ଷ୍ଟାରକାଷ୍ଟକୁ ନେଇ ଦୀର୍ଘ ସମୟରୁ ଉତ୍ସାହିତ ଦର୍ଶକ। ଇତିମଧ୍ୟରେ ଖବର ଜୋର ଧରିଛି ଯେ ତାଙ୍କ ଏହି ଫିଲ୍ମରେ ‘ଗଲି ବୟ’ର ଷ୍ଟାର ରଣବୀର ସିଂ ଓ ଆଲିୟା ଭଟ୍ଟ ନଜର ଆସିବେ। ସେହିପରି ସଞ୍ଜୟଙ୍କ ଆଉ ଏକ ଫିଲ୍ମ ‘ଗଙ୍ଗୁବାଇ କାଥିୟାୱାଡି’ରେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି ଆଲିୟା।

‘ବୈଜୁ ବାୱରା’କୁ ରଣବୀର ଓ ଆଲିୟାଙ୍କ ନାମ ଶୁଣି ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢିଯାଇଛି। ଏହି ଫିଲ୍ମଟି 1952ରେ ଆସିଥିବା ହିନ୍ଦୀ ଫିଲ୍ମ ‘ବୈଜୁ ବାୱରା’ର ରିକେମ ଫିଲ୍ମ। ଯେଉଁଥିରେ ଅଭିନେତା ଭାରତ ଭୂଷଣ ଓ ମୀନା କୁମାରୀ ମୁଖ୍ୟ ଭୂମିକାରେ ଅଭିନୟ କରିଥିଲେ।

ପ୍ରକାଶ ଥାଉକି ରଣବୀର ଓ ସଞ୍ଜୟଙ୍କ ବନ୍ଧୁତ୍ବ ବହୁ ପୁରୁଣା। ଏହି ଯୋଡି ବକ୍ସ ଅଫିସକୁ ଅନେକ ହିଟ୍ ଫିଲ୍ମ ଦେଇସାରିଲେଣି। ଏହି କ୍ରମରେ ‘ରାମ-ଲୀଲା’, ‘ପଦ୍ମାବତ’, ‘ବାଜିରାଓ-ମସ୍ତାନୀ’ ସାମିଲ ଅଛି। ସେହିପରି ପୁଣିଥରେ ମ୍ୟୁଜିକାଲ ଫିଲ୍ମରେ ଏହି ଯୋଡିଙ୍କୁ ଏକାଠି ଦେଖିବା ଦର୍ଶକଙ୍କ ପାଇଁ ଶାନଦାର ହେବ।