‘ଘର ଦେଇ ନାହାଁନ୍ତି ସଲମାନ’

ରାନୁ ମଣ୍ଡଳଙ୍କୁ ଫ୍ଲାଟ୍ ଭେଟି ଦେଇ ନାହାଁନ୍ତି ଭାଇଜାନ । ସୋସିଆଲ ମିଡିଆରେ ଘୂରି ବୁଲୁଛି ମିଛ ଖବର । କହିଲେ ରାନୁ ମଣ୍ଡଳ ।

ହାଇଦ୍ରାବାଦ: ରେଳଷ୍ଟେସନରୁ ରାତାରାତି ଷ୍ଟାର ପାଲଟିଥିବା ରାନୁ ମଣ୍ଡଳ ଏବେ ଚର୍ଚ୍ଚାରେ । ହିମେଶ ରେସମିୟାଙ୍କ ସହ ମିଶି ବର୍ତ୍ତମାନ ସେ ତିନୋଟି ଗୀତ ରେକର୍ଡ କରିସାରିଲେଣି । ତେବେ ରାନୁ ମଣ୍ଡଳଙ୍କୁ ନେଇ ସୋସିଆଲ ମିଡିଆରେ ଅନେକ ମିଛ କଥା ମଧ୍ୟ ପ୍ରଚାର ହେଉଛି । ସେଥିମଧ୍ୟରୁ ଗୋଟିଏ ହେଉଛି ସଲମାନ ଖାନ ରାନୁ ମଣ୍ଡଳଙ୍କୁ 55 ଲକ୍ଷର ଫ୍ଲାଟ ଗିଫ୍ଟ ଦେଇଥିବା କଥା ।

କିନ୍ତୁ ନିଜେ ରାନୁ ମଣ୍ଡଳ ଏହାକୁ ନେଇ ଖୁଲାସା କରିଛନ୍ତି । ସଲମାନ ତାଙ୍କୁ କୌଣସି ଫ୍ଲାଟ ଗିଫ୍ଟ ନକରିଥିବା ସେ କହିଛନ୍ତି । ଯଦି ସଲମାନ ଖାନ ତାଙ୍କୁ ଘର ଦେଇଥାନ୍ତେ ତାହେଲେ ସେ ସମସ୍ତଙ୍କ ସାମ୍ନାରେ ଦେଇଥାନ୍ତେ ବୋଲି କହିଛନ୍ତି ରାନୁ ।

ତେବେ ରାନୁ ମଣ୍ଡଳ ଓ ହିମେଶ ରେସମିୟଙ୍କ ଗୀତ ‘ତେରି ମେରି’ ରିଲିଜ ହୋଇସାରିଛି । ଗୀତକୁ 4 ଦିନରେ ପ୍ରାୟ ଏକ କୋଟି 10 ଲକ୍ଷ ଲୋକ ଦେଖି ସାରିଲେଣି । ଫିଲ୍ମ ‘ହାପି ହାର୍ଡି ଏଣ୍ଡ ହୀର’ର ଗୀତ ହେଉଛି ‘ତେରି ମେରି’ । ଫିଲ୍ମରେ ହିମେଶଙ୍କୁ ମୁଖ୍ୟ ଚରିତ୍ରରେ ଦେଖିବାକୁ ମିଳିବ । ଡିସେମ୍ବର 23ରେ ଫିଲ୍ମଟି ପରଦାକୁ ଆସିବ ।