ମୁମ୍ବାଇ: ଏବେ ଲାଗୁଛି ଯେ କଙ୍ଗନା ରଣାୱତଙ୍କ ଭଉଣୀ ରଙ୍ଗୋଲୀ ଚାନ୍ଦେଲ ବଲିଉଡ ଉପରେ ଏକଦମ ଖପ୍ପା । କିଛି ଦିନ ଦେବ ସେ ଅନେକ ସେଲିବ୍ରିଟିକୁ ଟାର୍ଗେଟ କରି ସୋସିଆଲ ମିଡିଆରେ ଅପମାନ କରିସାରିଲେଣି । ପ୍ରଥମେ ହ୍ରିତିକ ରୋଶନ ପରେ ତାପସୀ ପନ୍ନୁ । ଆଉ ଏବେ ତାଙ୍କ ଏହି ଟାର୍ଗେଟ ଲିଷ୍ଟରେ ଏମିତି ଜଣେ ଅଭିନେତା ସାମିଲ ହୋଇଛନ୍ତି । ଯିଏ ଆଜି ଏହି ଦୁନିଆରେ ମଧ୍ୟ ନାହାଁନ୍ତି ।
ଯାହା ଶୁଣି ଆଶ୍ଚର୍ଯ୍ୟ ଦର୍ଶକ । ଖାଲି ଏତିକି ନୁହେଁ ସେ ଶାହିଦ କପୁରଙ୍କ ନିକଟରେ ରିଲିଜ ହୋଇଥିବା 'କବୀର ସିଂ'ଙ୍କୁ ନିଶାନା କରି କପୁର ବଂଶର ବିଶିଷ୍ଟ ହିରୋ ରାଜ କପୁରଙ୍କ ସହ ତୁଳନା କରିଛନ୍ତି ।
ଫଟୋ ସୌଜନ୍ୟ: ଟ୍ବିଟର@ରଙ୍ଗୋଲୀ ଚାନ୍ଦେଲ ସେ ରାଜ କପୁରଙ୍କ ଫିଲ୍ମ 'ଆୱାରା'ର ଗୋଟିଏ ସିନର ଭିଡିଓ କ୍ଲିପ ସେୟାର କରିଛନ୍ତି । ଏହି 30 ସେକେଣ୍ଡ ଭିଡିଓରେ ରାଜ ଲୋକପ୍ରିୟ ଅଭିନେତ୍ରୀ ନର୍ଗିସଙ୍କୁ ମାଡ ମାରୁଥିବା ସହ ତାଙ୍କ ସହ ଜବରଦସ୍ତି କରୁଥିବାର ନଜର ଆସୁଛନ୍ତି ।
ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, "ରାଜ କପୁରଙ୍କ ଏଯାବତର ସବୁଠାରୁ ସେକ୍ସିଅଷ୍ଟ ଏବଂ ଚିନ୍ତିତ କରିବା ଭଳି ଦୃଶ୍ୟ । ବଲିଉଡର ବାସ୍ତବ ରୂପ ଏହା । ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରି ନିର୍ମାତା ମଧ୍ୟ ଏଥିରୁ ବାଦ ପଡିନାହାଁନ୍ତି । ନିଜକୁ ସଚ୍ଚୋଟ କରିବାକୁ ଚେଷ୍ଟା କରନାହିଁ । ଆପଣ ମଧ୍ୟ ସେହି ଲୋକ ଯିଏ ରାଜ କପୁରଙ୍କୁ ଲେଜେଣ୍ଡ ମାନୁଛ ।"
ଫଟୋ ସୌଜନ୍ୟ: ଟ୍ବିଟର@ରଙ୍ଗୋଲୀ ଚାନ୍ଦେଲ କଥାଟି ହେଲା କି ରଙ୍ଗୋଲୀଙ୍କ ସେହି ସମୟରେ ସାମ୍ନାକୁ ଆସିଥିଲା ଯେବେ ସୋସିଆଲ ମିଡିଆରେ 'କବୀର ସିଂ' ନିର୍ଦ୍ଦେଶକ ସନ୍ଦୀପଙ୍କ ଗୋଟିଏ ବୟାନର ବାରମ୍ବାର ବିରୋଧ କରାଯାଇଥିଲା । ସନ୍ଦୀପ ଗୋଟିଏ ବୟାନରେ କହିଥିଲେ କି ଯେତେବେଳେ କେହି ନିବିଡ ପ୍ରେମ କରିଥାଏ ଏବଂ ଜଣେ ମହିଳା ସହ ପୁରା ଜୀବନ ସମ୍ପର୍କରେ ଥାଏ, ତେବେ ଏହି ସମ୍ପର୍କରେ ମାଡ ମାରିବାର ଅଧିକାର ଯଦି ନାହିଁ ତେବେ ଏହା ପ୍ରେମ ନୁହେଁ ।
ଏହି ବୟାନକୁ ବାରମ୍ବାର ସୋସିଆଲ ମିଡିଆରେ ବିରୋଧ କରାଯାଇଥିଲା । ଏହାକୁ ଆଧାର କରି ରଙ୍ଗୋଲୀ, ରାଜଙ୍କ ଏହି ଭିଡିଓକୁ ସେୟାର କରି ବଲିଉଡର ବାସ୍ତବତା ଦର୍ଶକଙ୍କୁ ଦେଖାଇଛନ୍ତି । ଖାଲି ଏତିକି ନୁହେଁ ରଙ୍ଗୋଲୀ ଆଉ ଏକ ଟ୍ବିଟ ମଧ୍ୟ କରିଥିଲେ ଆଉ ଲେଖିଥିଲେ "ଆମକୁ ଏପରି ସବୁ ଫିଲ୍ମ ଉପରେ ସ୍ବର ଉଠାଇବା କଥା, ଯେଉଁଥିରେ ସଞ୍ଜୁ, ଗଲି ବୟ ଏବଂ କବୀର ସିଂ ଫିଲ୍ମ ସାମିଲ ଅଛି । କିନ୍ତୁ କେବଳ ଗୋଟିଏ ଫିଲ୍ମମେକରଙ୍କୁ ଟାର୍ଗେଟ କରିବା ଠିକ ହେବ ନାହିଁ ।"
