ମୁମ୍ବାଇ: ହ୍ୟାଣ୍ଡସମ ଆକ୍ଟର ରଣବୀର କପୁର ପ୍ରଥମଥର ଫେମସ ନିର୍ମାତା ଅନୁରାଗ ବାସୁଙ୍କ ସହ ଫିଲ୍ମ ‘ବର୍ଫି’ରେ କାମ କରିଥିଲେ । ଏହି ଫିଲ୍ମଟି ବକ୍ସ ଅଫିସରେ ଶାନଦାର ପ୍ରଦର୍ଶନ କରି ହିଟ୍ ସାବ୍ୟସ୍ତ ହୋଇଥିଲା । ହେଲେ ଯେବେଠୁ ଏହି ଯୋଡି ‘ଜଗ୍ଗା ଜାସୁସ’ ଜରିଆରେ ବକ୍ସ ଅଫିସକୁ ଫେରିଥିଲେ ତେବେ ଫିଲ୍ମ ଜବରଦସ୍ତ ଫ୍ଲପ ହୋଇଥିଲା । ଇତିମଧ୍ୟରେ ଶୁଣିବାକୁ ମିଳୁଛି ଯେ ଏହି ଯୋଡି ପୁଣି ଏକାଠି କାମ କରିବାକୁ ଯାଉଛନ୍ତି । ନିକଟରେ ଅନୁରାଗ ଏକ ସାକ୍ଷାତକାରରେ କିଶୋର କୁମାରଙ୍କ ବାୟୋପିକ ନିର୍ମାଣ କରିବାର ଘୋଷଣା କରିଥିଲେ ।
ଏହି ବାୟୋପିକକୁ ନେଇ ଚର୍ଚ୍ଚା 2018ରେ ଆରମ୍ଭ ହୋଇଥିଲା । ହେଲେ ପରେ ଏହି ଫିଲ୍ମ ହୋଲ୍ଡ କରି ଦିଆଯାଇଥିଲା । ଏବେ ‘ଲୁଡୋ’ ନିର୍ଦ୍ଦେଶକ ଅନୁରାଗ ପୁଣି ଏହି ବାୟୋପିକକୁ ନେଇ ନିଜ ମନ କଥା କହିଛନ୍ତି । ସେ କହିଥିଲେ ଯେ କିଶୋର କୁମାରଙ୍କ ବାୟୋପିକ ସେ ନିହାତି ନିର୍ମାଣ କରିବେ । ଆଉ ଏଥର ସେ ରଣବୀରଙ୍କ ସହ କଥାବାର୍ତ୍ତା ମଧ୍ୟ କରିସାରିଛନ୍ତି ।