ମୁମ୍ବାଇ: ନିର୍ଦ୍ଦେଶକ କୁନାଲ କୋହଲିଙ୍କ ବହୁ ପ୍ରତିକ୍ଷିତ ୱେବ ସିରିଜ ‘ରାମୟୁଗ’ର ଦମଦାର ଟ୍ରେଲର ରିଲିଜ ହୋଇଯାଇଛି । ଭଗବାନ ରାମଙ୍କ କାହାଣୀକୁ ନେଇ ପର୍ଯ୍ୟବେଶିତ ଏହି ସିରିଜ। ଦେଶରେ ବର୍ତ୍ତମାନ କୋରୋନାକୁ ନେଇ ନିରାଶ ଥିବା ଦର୍ଶକଙ୍କୁ ସାହସ ଯୋଗାଇବା ପାଇଁ ମେକର୍ସ ସିରିଜର ଟ୍ରେଲର ରିଲିଜ କରିଛନ୍ତି । ଯାହାର ସୂଚନା ଦେଇଛନ୍ତି ମେକର୍ସ ।
ସେପଟେ ଟ୍ରେଲର ରିଲିଜ ହେବା ଅବସରରେ କୁନାଲ କହିଛନ୍ତି, ‘ଦେଶ ବହୁତ ଜଟିଳ ପରିସ୍ଥିତି ଦେଇ ଗତି କରୁଛି । ଆଉ ଆମେ ଆଶା କରୁଛୁ କି ଏହି ମହାନ କାହାଣୀ ପୁଣିଥରେ ଦେଶବାସୀଙ୍କୁ ପ୍ରେରଣା ଯୋଗାଇବା ସହ ଶକ୍ତି ପ୍ରଦାନ କରିବ । ଯାହାଦ୍ବାରା ସମସ୍ତେ ବସି ଏକାଠି ଏହି କାହାଣୀ ଦେଖିପାରିବେ ।’