ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ସିବିଆଇ ତଦନ୍ତ ଜାରି ରଖିଛି। ଇତି ମଧ୍ୟରେ ଶୁକ୍ରବାର କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ ସୁଶାନ୍ତଙ୍କ ବାପା କେ.କେ ସିଂ ଏବଂ ତାଙ୍କ ଭଉଣୀଙ୍କୁ ଭେଟିଛନ୍ତି। କେ.କେ ସିଂ ବର୍ତ୍ତମାନ ତାଙ୍କ ପୁତୁରା ତଥା ଫରିଦାବାଦ ପୋଲିସ କମିଶନର ଓପି ସିଂଙ୍କ ବାସଭବନରେ ଅଛନ୍ତି।
ସୁଶାନ୍ତ ସିଂଙ୍କ ବାପାଙ୍କୁ ଭେଟିଲେ କେନ୍ଦ୍ରମନ୍ତ୍ରୀ ଆଠୱାଲେ, ନ୍ୟାୟ ପାଇଁ ଦେଲେ ଆଶ୍ବାସନା
ଏହି ମାମଲାରେ ସିବିଆଇ ତଦନ୍ତ କରୁଛି । ତେଣୁ ସୁଶାନ୍ତଙ୍କୁ ନ୍ୟାୟ ନିଶ୍ଚିତ ମିଳିବ ବୋଲି କେନ୍ଦ୍ର ମନ୍ତ୍ରୀ ରାମଦାସ ଅଠୱାଲେ ସୁଶାନ୍ତଙ୍କ ବାପା କେ.କେ ସିଂଙ୍କୁ ଆଶ୍ବାସନା ଦେଇଛନ୍ତି। ଅଠାୱାଲେଙ୍କ ସହ ସାକ୍ଷାତ ସମୟରେ ସୁଶାନ୍ତଙ୍କ ସମ୍ପର୍କୀୟମାନେ ଏହି ମାମଲାର ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଥିଲେ। ସେପଟେ ଶୁସାନ୍ତଙ୍କ ମୃତ୍ୟୁ ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ସନ୍ଦେହ ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ । ସିବିଆଇ ବର୍ତ୍ତମାନ ଏହି ଘଟଣାର ତଦନ୍ତ କରୁଛି। ଶୀଘ୍ର ସମସ୍ତଙ୍କ ନିକଟରେ ସତ୍ୟ ପ୍ରକାଶ ପାଇବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।