ନୂଆଦିଲ୍ଲୀ: କୋରୋନାରୁ ସୁରକ୍ଷିତ ରହିବା ପାଇଁ ଦେଶବାସୀଙ୍କୁ ବର୍ତ୍ତମାନ ଭ୍ୟାକ୍ସିନ ଦିଆଯାଉଛି । ଏଥିରେ ସେଲିବ୍ରିଟି ମଧ୍ୟ ସାମିଲ ହୋଇଛନ୍ତି । ଅନେକ ସେଲିବ୍ରିଟି ଭ୍ୟାକ୍ସିନ ନେଇସାରିଲେଣି ଆଉ ଏବେ ଟେଲିଭିଜନର ଜଣାଶୁଣା ଅଭିନେତା ରାମ କପୁର ଭ୍ୟାକ୍ସିନ ନେବା ଖବର ସାମ୍ନାକୁ ଆସିଛି ।
ସେ ରବିବାର ଭ୍ୟାକ୍ସିନର ପ୍ରଥମ ଡୋଜ୍ ନେବା ସହ ଇନଷ୍ଟାଗ୍ରାମରେ ଏକ ମଜାଳିଆ ଭିଡିଓ ମାଧ୍ୟମରେ ପ୍ରଶଂସକମାନଙ୍କୁ ସୂଚନା ଦେଇଛନ୍ତି ।
ରାମ କପୁର ଏହି ଭିଡିଓ ସେୟାର କରି ଲେଖିଛନ୍ତି ଯେ, ଆମ ସମସ୍ତଙ୍କୁ ସୁରକ୍ଷା ଦେଉଥିବା ସମସ୍ତ ଫ୍ରଣ୍ଟଲାଇନ କର୍ମଚାରୀଙ୍କୁ ମୁଁ ଅଶେଷ ଅଶେଷ ଧନ୍ୟବାଦ ଜଣାଉଛି । ଫ୍ରଣ୍ଟଲାଇନ କର୍ମଚାରୀମାନେ ଆମକୁ ସୁରକ୍ଷା ଦେବା ପାଇଁ ଦିନରାତି କାମ କରୁଛନ୍ତି । ଏଭଳି ପରିସ୍ଥିତିରେ ସେମାନଙ୍କୁ ହସାଇବା ଅତ୍ୟନ୍ତ ଜରୁରୀ ଅଟେ।
ପ୍ରକାଶ ଥାଉ ଯେ, ବର୍ତ୍ତମାନ ପର୍ଯ୍ୟନ୍ତ, ଏହି ମଜାଳିଆ ଭିଡିଓକୁ 80 ହଜାରରୁ ଅଧିକ ଫ୍ୟାନ୍ସ ପସନ୍ଦ କରିଛନ୍ତି।
