ନୂଆଦିଲ୍ଲୀ: ବଲିଉଡର ଡ୍ରାମା କୁଇନ ରାକ୍ଷୀ ସାୱାନ୍ତ ପୁଣି ଚର୍ଚ୍ଚାରେ । ରାକ୍ଷୀଙ୍କ କିଛି ଫଟୋକୁ ନେଇ ୟୁଜର୍ସ ଟ୍ରୋଲ କରିବାରେ ଲାଗିପଡିଛନ୍ତି । ସେ ଫିଲ୍ମ 'ଧାରା 370'ର ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଫିଲ୍ମରେ ସେ ଜଣେ ପାକିସ୍ତାନୀ ଝିଅ ଭୂମିକାରେ ଅଭନୟ କରୁଛନ୍ତି ।
ଇତିମଧ୍ୟରେ ସେ ପାକିସ୍ତାନର ଜାତୀୟ ପତକା ଦେହରେ ଗୁଡାଇ କିଛି ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଫଟୋ ଭାଇରାଲ ହେବା ମାତ୍ରେ ୟୁଜର୍ସ ରାକ୍ଷୀଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି । ଖାଲି ଏତିକି ନୁହେଁ ରାକ୍ଷୀଙ୍କୁ କେବଳ ଭାରତୀୟ ନୁହେଁ ବରଂ ପାକିସ୍ତାନୀ ୟୁଜର୍ସ ମଧ୍ୟ ଟ୍ରୋଲ କରୁଛନ୍ତି ।