ନୂଆଦିଲ୍ଲୀ: ଶୁକ୍ରବାର ସନ୍ଧ୍ୟାରେ ସ୍ବର୍ଗତ ଅଭିନେତା ରାଜୀବ କପୁରଙ୍କ ପ୍ରାର୍ଥନା ସଭାରେ ବଲିଉଡ ଅଭିନେତା ସଞ୍ଜୟ କପୁର ଯୋଗ ଦେଇଥିଲେ । ସଞ୍ଜୟ ଏହି ସମାବେଶର ଏକ ଫଟୋ ଇନଷ୍ଟାଗ୍ରାମରେ ସେୟାର କରି ଏକ ହୃଦୟସ୍ପର୍ଶୀ କ୍ୟାପସନ୍ ମଧ୍ୟ ଲେଖିଛନ୍ତି ।
ଏହି ଫଟୋରେ ଏହା ଦେଖିବାକୁ ମିଳେ ଯେ, ସଞ୍ଜୟ ଏକ ଚଉକିରେ ବସିଛନ୍ତି ଏବଂ ତାଙ୍କ ପଛରେ ରାଜୀବ କପୁରଙ୍କ ଫଟୋ ଫ୍ରେମ୍ ଅଛି ଏବଂ ଫଟୋ ଫ୍ରେମ୍ ରେ ଏକ ଫୁଲମାଳ ଲଗାଯାଇଛି ।
ଏହି ଫଟୋ ସେୟାର କରି ସଞ୍ଜୟ ଲେଖିଛନ୍ତି, ତୁମେ ସବୁବେଳେ ମୋ ହୃଦୟରେ ରହିବ ।
ସଞ୍ଜୟଙ୍କ ଏହି ପୋଷ୍ଟରେ ତାଙ୍କ ପତ୍ନୀ ମହିପ କପୁର ଏକ ହାର୍ଟ ଇମୋଜି ମନ୍ତବ୍ୟ ଦେଇଛନ୍ତି । ଏହା ବ୍ୟତୀତ ତାଙ୍କର ଅନେକ ପ୍ରଶଂସକ ରାଜୀବ କପୁରଙ୍କ ପାଇଁ ପ୍ରାର୍ଥନା କରିଥିଲେ ଏବଂ ବହୁ ହାର୍ଟ ଇମୋଜି ମଧ୍ୟ ସେୟାର କରିଥିଲେ ।
ରାଜୀବ କପୁରଙ୍କ ପ୍ରାର୍ଥନା ସଭାରେ ରଣବୀର କପୁର, ଆଲିଆ ଭଟ୍ଟ, ଅର୍ଜୁନ କପୁର, ସୈଫ ଅଲ୍ଲୀ ଖାନ, ଫରହାନ ଅଖତର, ଜୋୟା ଅଖତର, ନୀତୁ ସିଂ, ବୋନି କପୁର, ସାଜିଦ ଖାନଙ୍କ ସମେତ ଅନେକ ସେଲିବ୍ରିଟି ଯୋଗ ଦେଇଥିଲେ ଏବଂ ରାଜୀବ କପୁରଙ୍କ ଆତ୍ମା ଶାନ୍ତି ପାଇଁ ପାଠ କରିଥିଲେ।
ପ୍ରକାଶ ଥାଉ ଯେ, ଅଭିନେତା ତଥା ଚଳଚ୍ଚିତ୍ର ନିର୍ମାତା ରାଜୀବ କପୁରଙ୍କ ହୃଦଘାତ ଯୋଗୁଁ ଫେବୃଆରୀ 9 ରେ ମୃତ୍ୟୁ ଘଟିଥିଲା । ତାଙ୍କୁ ମୃତ୍ୟୁ ବେଳକୁ 58 ବର୍ଷ ବୟସ ହୋଇଥିଲା।
