ମୁମ୍ବାଇ: ତାମିଲ ସୁପରଷ୍ଟାର ରଜନୀକାନ୍ତଙ୍କ କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ରଜନୀକାନ୍ତ ମାସ୍କ ପିନ୍ଧି ଲମ୍ବୋରଗିନି ଚଲାଉଥିବାର ନଜର ଆସିଛନ୍ତି ।
ରଜନୀକାନ୍ତଙ୍କ ଏହି ଫଟୋକୁ ଦେଖି ତାଙ୍କ ପ୍ରଶଂସକମାନେ ବହୁତ ଖୁସି ହେଉଛନ୍ତି । ଫଟୋରେ ରଜନୀକାନ୍ତ ଏକ ନୀଳ ରଙ୍ଗର ଲମ୍ବୋରଗିନି ଚଳାଉଥିବାର ନଜର ଆସିଛନ୍ତି ।
ବର୍ତ୍ତମାନ ଏହି ଫଟୋ ଟ୍ୱିଟରରେ # ଲାୟନ୍ ଇନ୍ ଲମ୍ବୋରଗିନି ଟ୍ରେଣ୍ଡ୍ କରୁଛି ।
ଫଟୋ ସେୟାର କରିବାବେଳେ ଜଣେ ୟୁଜର୍ସ ଲେଖିଛନ୍ତି, ଯିଏ ଉପଦେଶ ଦେଇଥାନ୍ତି, ସେ ତାହାକୁ ପାଳନ ମଧ୍ୟ କରିଥାନ୍ତି । କାର ଭିତରେ ମଧ୍ୟ ରଜନୀକାନ୍ତ ଫେସ୍ ମାସ୍କ ପିନ୍ଧିଛନ୍ତି ।
ଏହା ବ୍ୟତୀତ ଅନ୍ୟ ଜଣେ ୟୁଜର୍ସ ଲେଖିଛନ୍ତି, କରୋନାରେ ବାହାରକୁ ଯିବା ସମୟରେ ସେତେବେଳେ ନିଜକୁ ରକ୍ଷା କରିବା ପାଇଁ ଏହା ସଠିକ୍ ଉଦାହରଣ ଅଟେ ।