COVID-19ରେ ପୀଡିତ ଫ୍ୟାନ୍ସଙ୍କୁ ଅଡିଓ ବାର୍ତ୍ତା ପଠାଇଲେ ରଜନୀକାନ୍ତ

ଗୁରୁବାର ଦିନ ଟପ୍ ଷ୍ଟାର ରଜନୀକାନ୍ତ COVID-19 ରୋଗରେ ଚିକିତ୍ସିତ ହେଉଥିବା ଜଣେ ପ୍ରଶଂସକଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି । ଅଧିକ ପଢନ୍ତୁ...

ଚେନ୍ନାଇ: ଗୁରୁବାର ଦିନ ଟପ୍ ଷ୍ଟାର ରଜନୀକାନ୍ତ COVID-19 ରୋଗରେ ଚିକିତ୍ସିତ ହେଉଥିବା ଜଣେ ପ୍ରଶଂସକଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି ।

ରଜନୀକାନ୍ତ ତାଙ୍କ ପ୍ରଶଂସକଙ୍କୁ ଏକ ଅଡିଓ ବାର୍ତ୍ତାରେ କହିଛନ୍ତି, "ମୁରଲୀ, ମୁଁ ରଜନୀକାନ୍ତ କହୁଛି । ଆପଣଙ୍କ ସହ କିଛି ହେବ ନାହିଁ । ସାହସୀ ହୁଅ । ମୁଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି । ତୁମେ ଶୀଘ୍ର ସୁସ୍ଥ ହୋଇ ଘରକୁ ଫେରିବ । ତୁମେ ଭଲ ହେବା ପରେ, ଦୟାକରି ତୁମ ପରିବାର ସହିତ ମୋତେ ଦେଖା କର । ମୁଁ ତୁମ ପାଇଁ ପ୍ରାର୍ଥନା କରୁଛି ଦୀର୍ଘଜୀବୀ ହୁଅ ।

ଅଭିନେତାଙ୍କ ବାର୍ତ୍ତା ଶୁଣିବା ପରେ ମୁରଲୀ ରଜନୀକାନ୍ତଙ୍କୁ ତାଙ୍କର ପ୍ରାର୍ଥନା ଏବଂ ଆଶୀର୍ବାଦ ପାଇଁ ଧନ୍ୟବାଦ ଜଣାଇଛନ୍ତି ।

ଏକ ଟ୍ବିଟର ପୋଷ୍ଟରେ ମୁରଲୀ ଏହା ମଧ୍ୟ କହିଛନ୍ତି ଯେ, ନିକଟରେ ହୋଇଥିବା ଏକ ଟେଷ୍ଟରେ ତାଙ୍କର ରିପୋର୍ଟ 'ନେଗେଟିଭ'ଆସିଛି । କିଡନୀ ରୋଗରୁ ସୁସ୍ଥ ହେବା ସହିତ ସେ ତାଙ୍କ ସ୍ବାଭାବିକ ସ୍ବାସ୍ଥ୍ୟକୁ ଫେରିପାରିବେ ।

ବ୍ୟୁରୋ ରିପୋର୍ଟ, ଇଟିଭି ଭାରତ