ଲଣ୍ଡନ: ବଲିଉଡର ଦେଶୀ ଗାର୍ଲ ଅଭିନେତ୍ରୀ ପ୍ରିୟଙ୍କା ଚୋପ୍ରା ତାଙ୍କର ଆଗାମୀ ସିରିଜ 'ସିଟାଡେଲ'ର ସୁଟିଂ ଆରମ୍ଭ କରିଦେଇଛନ୍ତି ।
'ସିଟାଡେଲ'ର ସେଟରୁ ଫାଷ୍ଟ ଫଟୋ ସେୟାର କଲେ ପ୍ରିୟଙ୍କା ଏବେ ସେ ସେଟରୁ ତାଙ୍କର ଏକ ସେଲଫି ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଛନ୍ତି । ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ଫଟୋରେ ପ୍ରିୟଙ୍କା ଏକ ଗୋଲ୍ଡ ଫେସ୍ ମାସ୍କ ଲଗାଇଛନ୍ତି, ଫେସ୍ ମାସ୍କ ତଳେ କିଛି ନୀଳ ମେକଅପ୍ ମଧ୍ୟ ଲଗାଇଥିବାର ଦେଖିବାକୁ ମିଳିଛି ।
ଏଥିସହିତ ଏହି ଫଟୋରେ କ୍ୟାପସନ୍ ଦେବାକୁ ସେ ପ୍ରଶଂସକମାନଙ୍କୁ କହିଛନ୍ତି ।
ସିରିଜ 'ସିଟାଡେଲ'ରେ ପ୍ରିୟଙ୍କାଙ୍କ ବ୍ୟତୀତ ରିଚାର୍ଡ ମ୍ୟାଡେନ୍ ମଧ୍ୟ ନଜର ଆସିବେ । ଏହି ସିରିଜ 'ଆଭେଞ୍ଜର୍ସ' ଫେମ ରୁସୋ ବ୍ରଦର୍ସଙ୍କ ଦ୍ବାରା ନିର୍ଦ୍ଦେଶିତ ।
ପ୍ରକାଶ ଥାଉ ଯେ, ନିକଟରେ ଅଭିନେତ୍ରୀ 'ଟେକ୍ସଟ୍ ଫର୍ ୟୁ' ଫିଲ୍ମର ସୁଟିଂ ଶେଷ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
