ହାଇଦ୍ରାବାଦ: ବଲିଉଡ଼ ଆଇକନ୍ ତଥା ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରା ଏବଂ ଆମେରିକୀୟ ପପ୍ ଷ୍ଟାର୍ ସ୍ବାମୀ ନିକ ଜୋନାସ୍ ଶିଶୁକନ୍ୟାର ମାତା-ପିତା ହେବାର ସୌଭାଗ୍ୟ ଅର୍ଜନ କରିଛନ୍ତି । ସରୋଗେସି ମାତୃତ୍ବ ଜରିଆରେ ପ୍ରିୟଙ୍କା ଚୋପ୍ରା ମା’ ହୋଇଛନ୍ତି । ନିକଟରେ 39 ବର୍ଷୀୟା ଅଭିନେତ୍ରୀ ସରୋଗେସି ମାଧ୍ୟମରେ ତାଙ୍କର ପ୍ରଥମ ସନ୍ତାନ ବିଷୟରେ ଘୋଷଣା କରିଥିଲେ । ତେବେ ଶୁଣିବାକୁ ମିଳୁଛି ସେମାନେ ଗୋଟିଏ ଛୁଆରେ ଖୁସି ନାହାନ୍ତି, ଉଭୟ ଏକାଧିକ ସନ୍ତାନ ଚାହୁଁଛନ୍ତି।
ଏହା ବି ପଢନ୍ତୁ: PC becomes Mother via Surrogacy: ଟ୍ରୋଲର ଶିକାର ପ୍ରିୟଙ୍କା
ଏକ ସୂତ୍ରରୁ ଜଣାପଡିଛି ଯେ ସେଲିବ୍ରିଟି ଦମ୍ପତିଙ୍କ ବନ୍ଧୁମାନେ ବି ଏଥିପାଇଁ ଉତ୍ସାହିତ ଅଛନ୍ତି। 2018 ରେ ପପ୍ ଷ୍ଟାରଙ୍କୁ ବିବାହ କରିଥିବା ଏହି ଅଭିନେତ୍ରୀ ଇନଷ୍ଟାଗ୍ରାମରେ ନିଜ ସନ୍ତାନର ଜନ୍ମ ଘୋଷଣା କରିଥିଲେ । ଫଟୋ ସେୟାରିଂ ପ୍ଲାଟଫର୍ମରେ ପ୍ରିୟଙ୍କା କହିଛନ୍ତି, 'ଆମେ ସରୋଗେସୀ ପଦ୍ଧତିରେ ପିତାମାତା ହେବାର ସୌଭାଗ୍ୟ ଅର୍ଜନ କରିଛୁ । ତେବେ ଏହି ସମୟରେ ଆମକୁ ପ୍ରାଇଭେସି ଦିଅନ୍ତୁ, ଯେହେତୁ ଆମେ ନିଜ ପରିବାର ଉପରେ ଫୋକସ କରିଛୁ ।' ପ୍ରିୟଙ୍କା ପ୍ରଥମ ସନ୍ତାନ ପ୍ରାପ୍ତି ପାଇଁ ତାଙ୍କର ଅଭିଳାଷ ବିଷୟରେ କହିଛନ୍ତି । ପ୍ରିୟଙ୍କା କହିଛନ୍ତି ଯେ ସେ ପିଲାମାନଙ୍କୁ ବହୁତ ଭଲ ପାଆନ୍ତି ଏବଂ ଆସନ୍ତା ଦଶନ୍ଧି ମଧ୍ୟରେ ସେ ଅଧିକ ସନ୍ତାନ ପ୍ରାପ୍ତ କରିବାକୁ ଯୋଜନା କରୁଛନ୍ତି ।