ମୁମ୍ବାଇ: ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଭିନେତା ଆର ମାଧବନଙ୍କ ପ୍ରଥମ ନିର୍ଦ୍ଦେଶିତ ଫିଲ୍ମ ‘ରକେଟ୍ରି: ଦି ନମ୍ବି ଇଫେକ୍ଟ’ର ଖୁବ୍ ପ୍ରଶଂସା କରିଥିଲେ । ଏହାସହ ସେ ଜଣାଇଛନ୍ତି ଯେ ଏହି ଫିଲ୍ମରେ ମହତ୍ବପୂର୍ଣ୍ଣ ପ୍ରସଙ୍ଗ ରଖାଯାଇଛି । ଯାହା ବିଷୟରେ ଦେଶବାସୀ ଜାଣିବା ଉଚିତ୍ । ସେପଟେ ମାଧବନ ଏବଂ ବୈଜ୍ଞାନିକ ଏସ୍ ନମ୍ବି ନାରାୟଣ ସୋମବାର ପିଏମ ମୋଦିଙ୍କୁ ଭେଟିଥିଲେ ।
ଏହା ପରେ ମୋଦି ଟ୍ବିଟ କରି ଲେଖିଥିଲେ, ‘ମାଧବନ ତୁମ ସହ ଏବଂ ପ୍ରତିଭାବାନ ନମ୍ବି ନାରାୟଣଙ୍କୁ ଭେଟିବା ଅତ୍ୟନ୍ତ ଆନନ୍ଦଦାୟକ । ଫିଲ୍ମଟି ଏକ ଗୁରୁତ୍ବପୂର୍ଣ୍ଣ ବିଷୟକୁ ଅନ୍ତର୍ଭୁକ୍ତ କରେ ଯାହା ବିଷୟରେ ଅଧିକ ଲୋକ ଜାଣିବା ଉଚିତ୍ । ଆମର ବୈଜ୍ଞାନିକ ଏବଂ ଟେକ୍ନିସିଆନମାନେ ଆମ ଦେଶ ପାଇଁ ବହୁତ ବଳିଦାନ ଦେଇଛନ୍ତି, ଯାହାର ଝଲକ ମୁଁ ରକେଟ୍ରିର କ୍ଲିପରେ ଦେଖିପାରିଛି ।’