ନୂଆଦିଲ୍ଲୀ: ବଲିଉଡ ଅଭିନେତ୍ରୀ ଲିଜା ହେଡନଙ୍କ ଫ୍ୟାନ୍ସ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । ଯାହା ଶୁଣି ସମସ୍ତେ ଖୁସି ନକହିଲେ ସରେ । କାରଣ ତୃତୀୟ ଥର ମା' ହେବାକୁ ଯାଉଛନ୍ତି ଲିଜା । ଯାହାର ସୂଚନା ନିକଟରେ, ସେ ନିଜେ ସମସ୍ତଙ୍କୁ ଦେଇଥିଲେ ।
ଏବେ ସେ ଗର୍ଭାବସ୍ଥାରେ ନିଜର ବିକିନି ଫଟୋସୁଟ କରିଛନ୍ତି । ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ଆଜିକାଲି ଲିଜା ସ୍ବାମୀ ଡିନୋଙ୍କ ସହ ଛୁଟି କଟାଉଛନ୍ତି । ତାଙ୍କୁ ସମୁଦ୍ର କୂଳରେ ଉପଭୋଗ କରୁଥିବାର ଦେଖିବାକୁ ମିଳିଛି । ଫଟୋରେ ଲିଜା ନାଲି ବିକିନି ସହ ଟୋପି ପିନ୍ଧିଥିବାର ନଜର ଆସିଛନ୍ତି ।
ଫଟୋର କ୍ୟାପସନରେ ଲିଜା ଲେଖିଛନ୍ତି, 'ବିଚ ବୋର୍ଡ 2021' । ଲିଜା ଅନ୍ୟ ଏକ ଫଟୋ ସେୟାର କରି ଲେଖିଛନ୍ତି, 'ମୋ ସ୍ବାମୀ ଏହି ଫଟୋ କ୍ଲିକ କରିଛନ୍ତି' ।
ଫେବୃଆରୀରେ, ଲିଜା ପୁଅ ଜ୍ୟାକ୍ ଙ୍କ ସହ ଏକ ଭିଡିଓ ସେୟାର କରିଥିଲେ । ଯେଉଁଥିରେ ତାଙ୍କ ସାନ ପୁଅ ଜ୍ୟାକ ନଜର ଆସୁଛନ୍ତି । ଆଉ ଲିଜା ପୁଅଙ୍କୁ କହୁଛନ୍ତି ସମସ୍ତଙ୍କୁ କୁହ ମମିଙ୍କ ପେଟରେ କଣ ଅଛି । ଜ୍ୟାକ ବଡ ପାଟିରେ କହୁଛନ୍ତି, ‘ବିଗ୍ ସିଷ୍ଟର’ । 'ଏହି ଜୁନ୍ ରେ ଡେଲିଭରୀ ହେବ' ।
ପ୍ରକାଶ ଥାଉ କି, ଲିଜାଙ୍କ ଦୁଇ ପୁଅ ଲିୟୋ ଏବଂ ଜ୍ୟାକ ଅଛନ୍ତି। ସେହିପରି 2016 ଅକ୍ଟୋବର 29ରେ ବିଜନେସମ୍ୟାନ ଡୋନେ ଲାଲୱାନୀଙ୍କୁ ବିବାହ କରିଥିଲେ ଅଭିନେତ୍ରୀ ।
