ମୁମ୍ବାଇ: କିଛି ଦିନରୁ ସାଉଥ ସୁପରଷ୍ଟାର ପ୍ରଭାସଙ୍କ ଫିଲ୍ମ ‘ରାଧେଶ୍ୟାମ’କୁ ନେଇ ଉତ୍ସାହିତ ଦର୍ଶକ । ନିକଟରେ ଫିଲ୍ମର ଫାଷ୍ଟଲୁକ ପୋଷ୍ଟରେ ଫିଦା ହୋଇପଡିଥିଲେ ସମସ୍ତେ । ରିଲିଜ ହେବା ମାତ୍ରେ ସୋସିଆଲ ମିଡିଆରେ ଚହଳ ସୃଷ୍ଟି କରିଥିଲା ଫିଲ୍ମ ପୋଷ୍ଟର । ଆଉ ଏବେ ଫିଲ୍ମର ନୂଆ ପୋଷ୍ଟର ଜାରି ହୋଇଯାଇଛି । ଫିଲ୍ମରେ ପ୍ରଭାସଙ୍କ ସହ ରୋମାନ୍ସ କରୁଥିବାର ନଜର ଆସିବେ ଲୋକପ୍ରିୟ ଅଭିନେତ୍ରୀ ପୂଜା ହେଗଡେ । ଆଜି ତାଙ୍କ 30ତମ ଜନ୍ମଦିନ ।
ଏବି ଅବସରରେ ପ୍ରଭାସ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇବାକୁ ଯାଇ ତାଙ୍କ ଫାଷ୍ଟଲୁକ ପୋଷ୍ଟର ସୋସିଆଲ ମିଡିଆରେ ସେୟାର କରିଛନ୍ତି । ଇନଷ୍ଟାଗ୍ରାମରେ ଏହାକୁ ପୋଷ୍ଟ କରି ପୂଜାଙ୍କ ପାଇଁ ଲେଖିଛନ୍ତି, ‘ଶୁଭେଚ୍ଛା ଆମ ପ୍ରେରଣାଙ୍କୁ ପୂଜା ଜନ୍ମଦିନର ଅନେକ ଅନେକ ଶୁଭେଚ୍ଛା ଓ ଶୁଭକାମନା ।’ ଏହାସହ ସେ ଫିଲ୍ମର ନିର୍ମାତା, ନିର୍ଦ୍ଦେଶକଙ୍କ ନାମ ମଧ୍ୟ ପୋଷ୍ଟରେ ଲେଖିଛନ୍ତି ।