ମୁମ୍ବାଇ: ତେଲୁଗୁ ସୁପରଷ୍ଟାର ପ୍ରଭାସଙ୍କ ଫ୍ୟାନ୍ସ ପାଇଁ ଏକ ଦୁଃଖ ଖବର ସାମ୍ନାକୁ ଆସିଛି । ଦୀର୍ଘ ସମୟରୁ ତାଙ୍କ ବହୁ ପ୍ରତିକ୍ଷିତ ଫିଲ୍ମ 'ସାହୋ'କୁ ବଡ ପରଦାରେ ଦେଖିବାକୁ ଅନାଇ ବସିଥିଲେ ଦର୍ଶକ । କିନ୍ତୁ ଫ୍ୟାନ୍ସଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡିବ । କାରଣ 'ସାହୋ'ର ରିଲିଜ ତାରିଖକୁ ବଦଲାଇଛନ୍ତି ମେକର୍ସ । ପୂର୍ବରୁ ଫିଲ୍ମଟି ସ୍ବାଧୀନତା ଦିବସରେ ରିଲିଜ ହେବାର ଥିଲା । ଯାହାକୁ ନେଇ ଏକ୍ସାଇଟେଡ ଥିଲେ ଫ୍ୟାନ୍ସ । ଅନ୍ୟପଟେ ଏହି ଦିନରେ ବି-ଟାଉନର ଖିଲାଡି ଅକ୍ଷୟ କୁମାରଙ୍କ 'ମିଶନ ମଙ୍ଗଲ' ଓ ଜନ ଅବ୍ରାହମଙ୍କ 'ବାଟଲା ହାଉସ' ମଧ୍ୟ ମୁହାଁମୁହିଁ ହୋଇଥାଆନ୍ତା ।
ବିଗ ବଜେଟର ଏହି ତିନୋଟି ଫିଲ୍ମ ଏକାଠି ରିଲିଜ ହୋଇଥିଲେ ଦର୍ଶକ ଦ୍ବନ୍ଦ୍ବରେ ଆସିଥାଆନ୍ତେ । ଖାଲି ଦର୍ଶକ ନୁହେଁ ଫିଲ୍ମ ନିର୍ମାତଙ୍କୁ ମଧ୍ୟ କ୍ଷତି ସହିବାକୁ ପଡିଥାଆନ୍ତେ । ତେଣୁ 'ସାହୋ' ମେକର୍ସ ଏହାକୁ ଦୃଷ୍ଟିରେ ରଖି ଏବେ ଫିଲ୍ମର ରିଲିଜ ତାରିଖ ଘୁଞ୍ଚାଇ ଦେଇଛନ୍ତି । ଅଗଷ୍ଟ 15 ପରିବର୍ତ୍ତେ ଏବେ ଫିଲ୍ମଟି ଅଗଷ୍ଟ 30ରେ ରିଲିଜ ହେବ ।