ମୁମ୍ବାଇ: ବୁଧବାର ସାଉଥ ସୁପରଷ୍ଟାର ପ୍ରଭାସ ନିଜର ଆଗାମୀ ଫିଲ୍ମ ‘ଆଦିପୁରୁଷ’କୁ ନେଇ ସୋସିଆଲ ମିଡିଆରେ ବଡ ଘୋଷଣା କରିଥିଲେ । ଆଉ ଜଣାଇଥିଲେ ଯେ ଫିଲ୍ମ ଟିମ ଗୁରୁବାର ଦର୍ଶକଙ୍କୁ ସରପ୍ରାଇଜ ଦେବାକୁ ଯାଉଛି । ଏବେ ସାମ୍ନାକୁ ଆସିଯାଇଛି ଫିଲ୍ମ ଟିମର ସେହି ସରପ୍ରାଇଜ । ଯାହାକୁ ନେଇ ଦର୍ଶକଙ୍କ ଉତ୍ସାହିତ ଦୁଇଗୁଣ ବଢିଯାଇଛି । ଆଜ୍ଞା ହଁ, କାରଣ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି ମେକର୍ସ । ସୋସିଆଲ ମିଡିଆରେ ଏହାର ସୂଚନା ଦେଇଛନ୍ତି ପ୍ରଭାସ ।
ସେ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଛନ୍ତି, ‘2022 ଅଗଷ୍ଟ 11 ତାରିଖରେ ସିନେମାହଲରେ ରିଲିଜ ହେବ ଫିଲ୍ମ । 2022 ରେ ଦର୍ଶକ ଭଲ ଏବଂ ଖରାପ ମଧ୍ୟରେ ସବୁଠାରୁ ବଡ ଯୁଦ୍ଧର ସାକ୍ଷୀ ହେବେ ।’