ରଣବୀର-ଦୀପିକାଙ୍କ ବିବାହରେ ନିମନ୍ତ୍ରଣ ମାଗି ଯୋଗ ଦେଇଥିଲେ କୁବ୍ରା

ମଜାଦାର ବୟାନ ଦେଇ ବର୍ତ୍ତମାନ ଚର୍ଚ୍ଚାରେ କୁବ୍ରା । କିପରି ସେ ରଣବୀର-ଦୀପିକାଙ୍କ ବିବାହରେ ସାମିଲ ହୋଇଥିଲେ ତାହା ନେଇ ଶୁଣାଇଛନ୍ତି ମଜାଦାର କଥା ।

ମୁମ୍ବାଇ: ଅନେକ ଦିନ ପରେ ଚର୍ଚ୍ଚାରେ ଆସିଛନ୍ତି ‘ସାକ୍ରେଡ ଗେମ୍ସ’ର କୁକୁ ଭୂମିକାରେ ଅଭିନୟ କରିଥିବା ଅଭିନେତ୍ରୀ ତଥା ସାମ୍ବାଦିକା କୁବ୍ରା ସିଟ । ସେ ଫେମସ ଅଭିନେତା ରଣବୀର ସିଂ ଓ ଦୀପିକା ପାଦୁକୋନଙ୍କ ବିଗ ବଜେଟ ବିବାହକୁ ନେଇ ଏକ କାହାଣୀ ସମସ୍ତଙ୍କୁ ଶୁଣାଇଛନ୍ତି । ଆଉ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ସେ ଏକ ଚାର୍ଟ ଶୋରେ ଯୋଗ ଦେଇ କହିଥିଲେ, ‘ଯେତେବେଳେ ମୁଁ 5 ହଜାର ଲୋକଙ୍କ ମଧ୍ୟରେ ଏକ ଶୋର ହୋଷ୍ଟି କରୁଥିଲି ସେହି ସମୟରେ ମୁଁ ରଣବୀରଙ୍କୁ ଭେଟିଥିଲି । ଯେବେ ଆପଣ କୌଣସି ଶୋର ହୋଷ୍ଟ ରୂପେ କାମ କରୁଛ ତେବେ ଆପଣ କେବେ ମଧ୍ୟ ଜଣେ ସୁପରଷ୍ଟାରଙ୍କ ଦ୍ବାରା ମନେ ରହିବାର କଳ୍ପନା କରିପାରିବ ନାହିଁ । ହେଲେ ସେ ମତେ ମନେ ରଖିଥିଲେ । ଆଉ ଯେତେବେଳେ ମୋ ଅଭିନୀତ ସିରିଜ ସାକ୍ରେଡ ଗେମ୍ସ ରିଲିଜ ହେଲା ସେ ମେସେଜ କରିଥିଲେ । ଆଉ ମୁଁ ସବୁ କିଛି ଭୁଲି ଯାଇଥିଲି । ସେ ମତେ କହିଥିଲେ କଣ ବସ୍ ତୁମେ ବହୁତ ଚାଲାଖ । ମୁଁ ତାଙ୍କୁ ସଙ୍ଗେ ସଙ୍ଗେ କହିଲି ଆପଣ ମତେ ବିବାହର ନିମନ୍ତ୍ରଣ କରିବାକୁ ଭୁଲିବେ ନାହିଁ । ଏଥିପାଇଁ ମତେ ଲାଗିଥିଲା ଯେ ମୁଁ ତାଙ୍କ ବିବାହରେ ନିଜକୁ ନିମନ୍ତ୍ରଣ କରିବାକୁ କହିଥିଲି । ହେଲେ ରଣବୀର ବହୁତ ଦୟାଳୁ ଏବଂ ଶାନଦାର ମଣିଷ। ମୁଁ କହିବାକୁ ଚାହୁଁଛି ଯେ ବିନା ନିମନ୍ତ୍ରଣରେ ତାଙ୍କ ବିବାହ ଉତ୍ସବରେ ଯୋଗ ଦେବାକୁ ମୁଁ ତାଙ୍କୁ ମୋ ତରଫରୁ କହିଥିଲି।’

ବିବାହ ବ୍ୟତୀତ ସେ ରଣବୀରଙ୍କ ସହ ଫିଲ୍ମ ‘ଗଲି ବୟ’ରେ ସ୍କ୍ରିନିଂ ସେୟାର କରିବାକୁ ନେଇ ମଧ୍ୟ ଅନେକ କଥା କହିଥିଲେ । ଏହି ଫିଲ୍ମ 2019ରେ ରିଲିଜ ହୋଇଥିଲା । ଯାହା ସୁପରଡୁପର ହିଟ୍ ମଧ୍ୟ ।

ଖାଲି ଏତିକି ନୁହେଁ ‘ସାକ୍ରେଡ ଗେମ୍ସ’ରେ ନୱାଜୁଦ୍ଦୀନ ସିଦ୍ଦିକୀଙ୍କ ସହ ଅଭିନୟ କରିସାରିଥିବା କୁବ୍ରା ନୱାଜଙ୍କ ବିଷୟରେ ମଧ୍ୟ ଆଲୋଚନା କରି କହିଥିଲେ, ‘ମତେ ମନେ ଅଛି ଏକଦା ମୁଁ ମୋ ୱିଗ ପିନ୍ଧିନଥିଲି ଆଉ ମୋ କେଶ ଲମ୍ବା ଦେଖାଯାଉଥିଲା । ମୁଁ ଯାଇ ନୱାଜଙ୍କ ସାଇଟରେ ବସିଗଲି । କିନ୍ତୁ ସେ ମତେ ଚିହ୍ନି ପାରିନଥିଲେ । ସେ କେବଳ ନିଜ ଫୋନକୁ ଦେଖିବା ସହ ଆଖପାଖ ଜିନିଷକୁ ଅନାଉ ଥିଲେ । 5 ମିନିଟ୍ ପରେ ମୁଁ ତାଙ୍କୁ କହିଲି ଆପଣ ମତେ ହାଏ କହିବାକୁ ଚାହୁଁଛନ୍ତି । ଏହା ଶୁଣି ସେ ମତେ କହିଲେ ଆଚ୍ଛା ଆପଣ କି । ଏହାର ଜବାବରେ ମୁଁ କହିଲି ହଁ ମୁଁ ଅଛି ।’

ବ୍ୟୁରୋ ରିପୋର୍ଟ, ଇଟିଭି ଭାରତ