ମୁମ୍ବାଇ: ଲୋକପ୍ରିୟ ଗାୟିକା ତୁଲସୀ କୁମାର ସଙ୍ଗୀତ ଦୁନିଆ ପରେ ଏବେ ରେଡିଓ ଜଗତରେ ନିଜର ଜଲୱା ଦେଖାଇବାକୁ ଯାଉଛନ୍ତି । ବର୍ତ୍ତମାନ ସେ ସାଜିଛନ୍ତି ରେଡିଓ ଶୋ ‘ଇଣ୍ଡି ହେ ହମ୍’ର ହୋଷ୍ଟ। ଏହି ଶୋର ପ୍ରଥମ ସିଜନରେ କ୍ଲାସିକ ଗୀତ, କଳାକାର, ଗାୟକ ଦର୍ଶନ ରାଭାଲଙ୍କ ଦ୍ବାରା ଆୟୋଜିତ ହୋଇଥିଲା ।
ସେପଟେ ଏହି ଅବସରରେ ତୁଲସୀ କହିଛନ୍ତି, ‘ସଙ୍ଗୀତ ଶ୍ରୋତାଙ୍କୁ ସବୁବେଳେ ବାନ୍ଧି ରଖିଥାଏ । ଏହି ପଦକ୍ଷେପର ଏକ ଅଂଶ ହୋଇଥିବାରୁ ମୁଁ ଅତ୍ୟଧିକ କୃତଜ୍ଞ । ହୋଷ୍ଟ ହେବା ମୋ ପାଇଁ ଏକ ସମ୍ପୂର୍ଣ୍ଣ ନୂତନ ଭୂମିକା ଏବଂ ମୁଁ ନିଶ୍ଚିତ ଭାବରେ ଏହାକୁ ଉପଭୋଗ କରୁଛି । ଦେଶ ସାମ୍ନାରେ ସମସ୍ତ ପ୍ରତିଭା ଉପସ୍ଥାପନ କରିବାକୁ ଏହା ମୋତେ ବହୁତ ଆନନ୍ଦ ଦେଉଛି । ଇଣ୍ଡି ହେ ହମ୍ ହୋଷ୍ଟ ଭାବରେ, ନୂତନ ପ୍ରତିଭା ଗଚ୍ଛିତ ଥିବା ଦେଖି ମୁଁ ଉତ୍ସାହିତ ଏବଂ ଦର୍ଶକଙ୍କ ସମ୍ମୁଖରେ କିଛି ମହାନ ସ୍ବାଧୀନ କଳାକାରଙ୍କ ସହ କଥାବାର୍ତ୍ତା କରିବା ବ୍ୟତୀତ ସଙ୍ଗୀତ ବିଷୟରେ ମଧ୍ୟ ଆଲୋଚନା କରିବି ।’