ମାଆ ହେବେ ଶ୍ରେୟା ଘୋଷାଲ

ପୁଣି ଆଉ ଜଣେ ସେଲିବ୍ରିଟିଙ୍କ ତରଫରୁ ସୋସିଆଲ ମିଡିଆରେ ମିଳିଲା ଗୁଡନ୍ୟୁଜ । ମା' ହେବେ ଶ୍ରେୟା ଘୋଷାଲ । ଅଧିକ ପଢନ୍ତୁ...

ମୁମ୍ବାଇ: ଏବେ ପ୍ରାୟ ସେଲିବ୍ରିଟିଙ୍କ ଘରକୁ କୁନି ଅତିଥି ଆସିଛନ୍ତି। ଆଉ କିଛି ସେଲିବ୍ରିଟିଙ୍କ ଘରକୁ ଆସିବାକୁ ଯାଉଛନ୍ତି । ନିକଟରେ କପିଲ ଶର୍ମାଙ୍କ ଠୁ ନେଇ କରୀନା କପୁର ଖାନ ଓ ବିରୁଷ୍କା ବାପା-ମା' ସାଜିଥିଲେ । ଇତିମଧ୍ୟରେ ଆଉ ଜଣେ ସେଲିବ୍ରିଟିଙ୍କ ଗର୍ଭବତୀ ଥିବା ଖବର ଚର୍ଚ୍ଚାରେ । ଏଥର ମା' ହେବାକୁ ଯାଉଛନ୍ତି ଲୋକପ୍ରିୟ ଗାୟିକା ଶ୍ରେୟା ଘୋଷାଲ । ଏହି ଖୁସି ଖବର ସେ ଫ୍ୟାନ୍ସଙ୍କ ସହ ସେୟାର କରିଛନ୍ତି । ଆଉ ନିଜ ବେବି ବମ୍ପ ସହ ପୋଷ୍ଟ କରିଛନ୍ତି ଫଟୋ ।

ଶ୍ରେୟା ଇନଷ୍ଟାଗ୍ରାମରେ ନିଜର ଫଟୋ ପୋଷ୍ଟ କରି ଲେଖିଛନ୍ତି, ‘ବେବି ଶ୍ରେୟାଦିତ୍ୟ ବର୍ତ୍ତମାନ ରାସ୍ତାରେ ଅଛନ୍ତି । ଶିଲାଦିତ୍ୟ ମୁଖୋପାଧ୍ୟାୟ ଏବଂ ମୁଁ ଏହି ଖବର ତୁମ ସମସ୍ତଙ୍କ ସହ ବାଣ୍ଟି ବହୁତ ଖୁସି ଅନୁଭବ କରୁଛୁ। ତୁମର ପ୍ରେମ ଏବଂ ଆଶୀର୍ବାଦର ଆବଶ୍ୟକ କାରଣ ଆମେ ଆମ ଜୀବନର ଏହି ନୂତନ ଅଧ୍ୟାୟ ପାଇଁ ନିଜକୁ ପ୍ରସ୍ତୁତ କରିଛୁ ।’

ପ୍ରକାଶ ଥାଉକି ଶ୍ରେୟା 10 ବର୍ଷ ରିଲେସନଶପରେ ରହିବା ପରେ 2015ରେ ଶିଲାଦିତ୍ୟଙ୍କୁ ବିବାହ କରିଥିଲେ। ବଙ୍ଗୀୟ ବିଧି-ବିଧାନରେ ଦୁହିଁଙ୍କ ବିବାହ ସମ୍ପନ୍ନ ହୋଇଥିଲା । ସେହିପରି ଶ୍ରେୟା 2002ରେ ସଞ୍ଜୟ ଲୀଲା ଭଂସାଲୀଙ୍କ ସୁପରଡୁପରହିଟ୍ ଫିଲ୍ମ ‘ଦେବଦାସ’ରେ ପ୍ଲେବ୍ୟାକ ସିଙ୍ଗର ରୂପେ ସିଙ୍ଗିଂ କ୍ୟାରିୟର ଆରମ୍ଭ କରିଥିଲେ ।