ମ୍ୟୁଜିକ ଭିଡିଓରେ ରାହୁଲ-ନିଆଙ୍କ ଜଲୱା

ଖୁବଶୀଘ୍ର ରୋମାଣ୍ଟିକ ଅନ୍ଦାଜରେ ନଜର ଆସିବେ ରାହୁଲ ଓ ନିଆ । ଦୁଇଜଣଙ୍କ ନୂଆ ମ୍ୟୁଜିକ ଭିଡିଓକୁ ନେଇ ବେଶ୍ ଚର୍ଚ୍ଚା । ଅଧିକ ପଢନ୍ତୁ...

ମୁମ୍ବାଇ: ‘ବିଗବସ 14’ ଫେମ ସିଙ୍ଗର ରାହୁଲ ବୈଦ୍ୟ ବର୍ତ୍ତମାନ ଚର୍ଚ୍ଚାରେ । ସେପଟେ ଟିଭିର ସେକ୍ସି ଅଭିନେତ୍ରୀ ନିଆ ଶର୍ମା ଚର୍ଚ୍ଚାରେ ରହିବାର କୌଣସି ସୁଯୋଗ ଛାଡନ୍ତି ନାହିଁ । ଏହି ଦୁଇଜଣଙ୍କ ନାମ ଏକାଠି ଯୋଡା ଯାଉଛି । କାରଣ ପରଦାରେ ରୋମାନ୍ସ କରିବେ ଏହି ଯୋଡି । ଶୁଣିବାକୁ ମିଳୁଛି ରାହୁଲ ଓ ନିଆ ଏକ ମ୍ୟୁଜିକ ଭିଡିଓ ନେଇ ଫେରିବେ ।

‘Shayad Firse’ ଗୀତରେ ଜମିବ ଏହି ଦୁଇଜଣଙ୍କ କେମେଷ୍ଟ୍ରି । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିର୍ଦ୍ଦେଶକ ବିରାଜ ଯୋଶୀ । ସୋସିଆଲ ମିଡିଆରେ ଗୀତର ପୋଷ୍ଟର ମଧ୍ୟ ଭାଇରାଲ ହେବାରେ ଲାଗିଛି । ନିଆ ଓ ରାହୁଲଙ୍କ ଫାଷ୍ଟଲୁକ ପୋଷ୍ଟର ଦେଖିବାକୁ ମିଳୁଥିବା ବେଳେ ଦୁହେଁ ଏଯାବତ ଗୀତକୁ ନେଇ କୌଣସି ଅଧିକାରୀକ ଘୋଷଣା କରିନାହାଁନ୍ତି ।

ଯଦି ରାହୁଲଙ୍କ କଥା ହେବା ତେବେ ସେ ଆଉ ଏକ ରିୟାଲିଟି ଶୋରେ ପ୍ରତିଯୋଗୀ ରୂପେ ନଜର ଆସିବାକୁ ଯାଉଛନ୍ତି । ସେ ରୋହିତ ସେଟ୍ଟୀଙ୍କ ‘ଖତରୋଁ କେ ଖିଲାଡି’ରେ ଆକ୍ସନ କରିବେ । ସେହିପରି ନିଆ ଏହି ଶୋର ସିଜନ 8ରେ ଯୋଗ ଦେଇଥିଲେ । ଏହାପରେ ସେ ‘ଖତରୋଁ କେ ଖିଲାଡି ମେଡ ଇନ ଇଣ୍ଡିଆ’ର ବିଜେତା ମଧ୍ୟ ସାଜିଥିଲେ ।