ମୁମ୍ବାଇ: ସବୁବେଳେ ନିଜ ଗୀତ ଜରିଆରେ ଦର୍ଶକଙ୍କ ମନ କିଣନ୍ତି ନେହା କକ୍କର । ଆଉ ଦୁଃଖି ଲୋକଙ୍କ ଦୁଃଖ ମଧ୍ୟ ସେ ବୁଝିବାରେ ମାଷ୍ଟର । ଏମିତି ଏକ ଘଟଣା ଘଟିଛି । ଯାହାକୁ ନେଇ ସବୁ ମହଲରେ ତାଙ୍କ ପ୍ରଶଂସା । ଶୁଣିବାକୁ ମିଳୁଛି ଯେ ନେହା ରିୟାଲିଟି ଶୋ ‘ଇଣ୍ଡିଆନ ଆଇଡଲ 12’ର ଆଗାମୀ ଏପିସୋଡରେ ଇଣ୍ଡଷ୍ଟ୍ରୀର ସିନିୟର ଗୀତିକାର ସନ୍ତୋଷ ଆନନ୍ଦଙ୍କୁ 5 ଲକ୍ଷ ଟଙ୍କାର ସାହାଯ୍ୟ ରାଶି ଦେବେ।
ନେହାଙ୍କ ମହାନତା, ବରିଷ୍ଠ ଗୀତିକାରଙ୍କୁ ଦେଲେ 5 ଲକ୍ଷର ସାହାଯ୍ୟ - ରିୟାଲିଟି ଶୋ ‘ଇଣ୍ଡିଆନ ଆଇଡଲ 12’
ବିବାହ ପରଠୁ ଚର୍ଚ୍ଚାରେ ନେହା । ହେଲେ ଏବେ ନିଜ ମହାନ କାର୍ଯ୍ୟ ପାଇଁ ପୁଣି ଚର୍ଚ୍ଚା ପରିସରକୁ ଚାଲି ଆସିଛନ୍ତି ଗାୟିକା । ଅଧିକ ପଢନ୍ତୁ...
ଡିଜାଇନ ଫଟୋ
କିଛି ଦିନ ପୂର୍ବରୁ ଗୀତିକାର କହିଥିଲେ ଯେ, ସେ ଆର୍ଥିକ ସଙ୍କଟର ସମ୍ମୁଖୀନ ହେଉଛନ୍ତି ଏବଂ ବହୁତ ବିବ୍ରତ ଅଛନ୍ତି। ନେହା ଏହି ଶୋର ଜଜ୍, ଯେଉଁଥିରେ ଆନନ୍ଦ ଲୋକପ୍ରିୟ ସଙ୍ଗୀତ ରଚନା ଯୋଡି ଲକ୍ଷ୍ମୀକାନ୍ତ-ପ୍ୟାରେଲାଲଙ୍କ ସହ ଅତିଥି ଭାବରେ ଯୋଗଦେବେ। ଲକ୍ଷ୍ମୀକାନ୍ତ-ପ୍ୟାରେଲାଲ, ଆନନ୍ଦଙ୍କ ସହ ‘ପ୍ରେମରୋଗ’, ‘ରୋଟି କପଡା ଔର ମାକାନ’ ଏବଂ ‘ସୋର’ ଭଳି ଫିଲ୍ମରେ କାମ କରିଥିଲେ।
ସେହିପରି ଆଉ ସବୁବେଳେ ଭାବୁକ ହୋଇଯାଉଥିବା ନେହା, ସନ୍ତୋଷଙ୍କ ଦୁଃଖ କଥା ଶୁଣି ତାଙ୍କୁ ସଙ୍ଗେ ସଙ୍ଗେ ସାହାଯ୍ୟ କରିବାକୁ ଘୋଷଣା କରିଛନ୍ତି।