ମୁମ୍ବାଇ: ଦର୍ଶକ ପୁଣି ପରଦାରେ ଖୁବଶୀଘ୍ର ଦେଖିବାକୁ ଯାଉଛନ୍ତି ଆଉ ଏକ ବାୟୋପିକ । ଯାହାକୁ ନେଇ ଦୀର୍ଘ ସମୟରୁ ଚର୍ଚ୍ଚା । ଏଥର ପରଦାରେ ଦେଖିବାକୁ ମିଳିବ ସତ୍ୟ ସାଇବାବାଙ୍କ ଜୀବନ କାହାଣୀ । ଯେଉଁଥିରେ ସତ୍ୟସାଇଙ୍କ ଭୂମିକାରେ ନଜର ଆସିବେ ଭଜନ ସମ୍ରାଟ ଅନୁପ ଜଲୋଟା । ବର୍ତ୍ତମାନ ସେ ଫିଲ୍ମ ବିଷୟରେ ଆଲୋଚନା କରି ଚର୍ଚ୍ଚାରେ । ତେବେ ଆସନ୍ତୁ ଜାଣିବା ସେ ଫିଲ୍ମକୁ ନେଇ କଣ କଣ କହିଛନ୍ତି ।
ସେ ଏକ ସାକ୍ଷାତାକାରରେ ଯୋଗ ଦେଇ କହିଥିଲେ, ‘ମୁଁ 55 ବର୍ଷ ପୂର୍ବେ ମୋ ବାପାଙ୍କ ସହ ସତ୍ୟସାଇ ବାବାଙ୍କୁ ଭେଟିଥିଲି । ଆମେ ସେତେବେଳେ ଭଜନ ଗାଉଥିଲୁ । ସତ୍ୟସାଇ ବାବା ମୋତେ ଛୋଟା ସାଇ ବୋଲି ଡାକନ୍ତି । ଆଉ ଏତେ ବର୍ଷ ପରେ ମୁଁ ସତ୍ୟ ସାଇବାବାଙ୍କ ଭୂମିକାରେ ଅଭିନୟ କରିବାର ସୁଯୋଗ ପାଇଛି । ମତେ ତାଙ୍କର ଆଶୀର୍ବାଦ ମିଳିଛି । ମୁଁ ଏଥିପାଇଁ ଖୁସି । କାରଣ ମୁଁ ତାଙ୍କ ଆଦର୍ଶ ଏବଂ ନୀତି ଉପରେ ବିଶ୍ବାସ କରେ । ମୁଁ ତାଙ୍କୁ ବିଷୟରେ ବହୁତ କିଛି ପଢିଛି । ହେଲେ ଅଭିନୟ ପାଇଁ ବହୁତ ଗବେଷଣାର ଆବଶ୍ୟକ ଅଛି । ଏହି ଚରିତ୍ରରେ ଅଭିନୟ କରିବା ଏକ ଚ୍ୟାଲେଞ୍ଜପୂର୍ଣ୍ଣ ।’