ମୁମ୍ବାଇ: ଅଭିନେତା, ପ୍ରଯୋଜକ ନିଖିଲ ଦ୍ବିବେଦୀ ବର୍ତ୍ତମାନ ନିଜ ବୟାନକୁ ନେଇ ଚର୍ଚ୍ଚାରେ । ଦୋଷୀ ପ୍ରମାଣିତ ନହେବା ପର୍ଯ୍ୟନ୍ତ ଜଣେ ବ୍ୟକ୍ତି ନିର୍ଦ୍ଦୋଷ ବୋଲି ବିଶ୍ବାସ କରନ୍ତି ସେ । ତେଣୁ ସେ ନାର୍କୋଟିକ୍ସ ସେଣ୍ଟ୍ରାଲ ବ୍ୟୁରୋ ଦ୍ବାରା ମଙ୍ଗଳବାର ଗିରଫ ହୋଇଥିବା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କ ସମର୍ଥନ କରୁଛନ୍ତି ।
ସେହିପରି ସେ ଏକ ଟ୍ବିଟ କରି ଲେଖିଛନ୍ତି, ‘ରିଆ ମୁଁ ତୁମକୁ ଜାଣିନାହିଁ । ଏହା ମଧ୍ୟ ଜାଣିନାହିଁ ଯେ ତୁମେ କିପରି ମଣିଷ । ତୁମେ କଣ କରିଛ ତାହା ପାଇଁ ତୁମେ ଖରାପ ହୋଇପାର । ହୋଇପାରେ ତୁମେ କିଛି କରିନଥିବ । ହେଲେ କିପରି ତୁମ ପାଇଁ ଅନ୍ୟାୟ ହେଉଛି । ସଭ୍ୟ ଦେଶଗୁଡିକ କିପରି ବ୍ୟବହାର କରନ୍ତି ସମସ୍ତଙ୍କୁ ଜଣା । ସବୁ କାର୍ଯ୍ୟ ଶେଷ ହୋଇଗଲେ ପରେ ମୁଁ ତୁମ ସହିତ କାମ କରିବାକୁ ପସନ୍ଦ କରିବି । ଡ୍ରଗ କାରବାର ପାଇଁ ତାଙ୍କୁ ଏନସିବି ଗିରଫ କରିଥିଲା । ଦୟାକରି ତାଙ୍କ କେସରେ ହିରୋ ତିଆରି କରନ୍ତୁ ନାହିଁ ଏବଂ ଆମର ପରବର୍ତ୍ତୀ ଯୁବପିଢିକୁ ନଷ୍ଟ କରବାକୁ ଚେଷ୍ଟା କରନାହିଁ ।’ ବର୍ତ୍ତମାନ ତାଙ୍କ ଏହି ଟ୍ବିଟରେ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳୁଛି ।