ମୁମ୍ବାଇ: ଫେମସ ନିର୍ମାତା ରାମଗୋପାଲ ବର୍ମା ସବୁବେଳେ ନିଜ ଫିଲ୍ମ ଓ ବିନ୍ଦାସ ବୟାନ ପାଇଁ ଚର୍ଚ୍ଚାରେ ରୁହନ୍ତି । ହେଲେ କିଛି ଦିନ ହେବ ତାଙ୍କ ଅସୁସ୍ଥ ଥିବା ଖବର ସୋସିଆଲ ମିଡିଆରେ ଘୁରିବୁଲୁଛି । ତାଙ୍କ ସ୍ବାସ୍ଥ୍ୟବ୍ୟସ୍ଥାକୁ ନେଇ ଭିନ୍ନ ଭିନ୍ନ କଥା ବର୍ତ୍ତମାନ ଶୁଣିବାକୁ ମିଳୁଛି । ଏହି ସବୁ ଉଡାଖବର ଉପରେ ଏବେ ଫୁଲଷ୍ଟପ ଲଗାଇ ଚର୍ଚ୍ଚାରେ ସେ। ସୋସିଆଲ ମିଡିଆରେ ସେ ନିଜ ୱାର୍କଆଉଟ ଭିଡିଓ ସେୟାର କରି ସମସ୍ତଙ୍କୁ ଜଣାଇ ଦେଇଛନ୍ତି ଯେ ସେ ଏକଦମ ଫିଟ୍ ଅଛନ୍ତି ।
ସେ ଟ୍ବିଟରରେ ଏକ ଆର୍ଟିକଲ ସେୟାର କରି ଲେଖିଛନ୍ତି, ‘ମୋ ଅସୁସ୍ଥ ଖବର କିଛି ମିଡିଆରେ ଦେଖିବାକୁ ମିଳୁଛି । ଯାହା ସମ୍ପୂର୍ଣ୍ଣ ମିଥ୍ୟା । ମୁଁ ଏକଦମ ସୁସ୍ଥ ଅଛି । ଯେଉଁ ଖବର ମିଡିଆରେ ଦେଖିବାକୁ ମିଳୁଛି ତା ଅନୁଯାୟୀ ମତେ ଜ୍ବର ହୋଇଛି । ଯାହା କୋରୋନାର ଲକ୍ଷଣ । ଲୋକଙ୍କୁ ମଧ୍ୟ ଲାଗୁଥିବ ମୁଁ କୋରୋନା ସଂକ୍ରମିତ । ହେଲେ ସତ କଥା ହେଲା ଯେ ମୁଁ ଜବରଦସ୍ତ ଫିଟ୍ ଅଛି ।