ଚେନ୍ନାଇ: ଚଳିତ ବର୍ଷ ଅନେକ ଜଣାଶୁଣା ସେଲିବ୍ରିଟିଙ୍କ ଦେହାନ୍ତ ହୋଇଛି । ଏବେ କନ୍ନଡ ଫିଲ୍ମର ଅଭିନେତା ସୁରେନ୍ଦ୍ର ବନ୍ତୱାଲଙ୍କୁ ନେଇ ସାମ୍ନାକୁ ଆସିଛି ନୈରାଶ୍ୟଜନକ ଖବର । ଦୁନିଆ ଛାଡି ଚାଲିଯାଇଛନ୍ତି ସେ । ଆଶ୍ଚର୍ଯ୍ୟକର କଥା ହେଲା ଯେ ସୁରେନ୍ଦ୍ରଙ୍କ ମୃତଦେହ ତାଙ୍କ ଘରର ସୋଫାରୁ ଉଦ୍ଧାର କରାଯାଇଛି ।
ମୃତଦେହ ଦେଖିବା ପରେ ହତ୍ୟାକାଣ୍ଡ ଅନୁମାନ କରାଯାଉଛି। ବୁଧବାର ଦିନ କର୍ଣ୍ଣାଟକ ସ୍ଥିତ ତାଙ୍କ ବାସଭବନରୁ ତାଙ୍କ ମୃତଦେହ ମିଳିଥିଲା। ତାଙ୍କ ଶରୀରରେ ଅନେକ ଚିହ୍ନ ମଧ୍ୟ ରହିଛି । ଅଭିନେତାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ। ଏଥି ସହ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି।