ମୁମ୍ବାଇ: ଚୁପ୍ ବସିବାର ନାଁ ନେଉନାହାଁନ୍ତି କୁଇନ କଙ୍ଗନା ରଣାୱତ । କେତେବେଳେ ବଲିଉଡ ସେଲିବ୍ରିଟି ତ ଆଉ କେତେବେଳେ ଚାଷୀ ଆନ୍ଦୋଳନର ବିରୋଧ କରୁଥିବାର ଆସୁଛନ୍ତି ନଜର । ସେପଟେ ସବୁବେଳେ ବିବାଦୀୟ ବୟାନ ପାଇଁ ମଧ୍ୟ ଚର୍ଚ୍ଚାରେ ରହୁଛନ୍ତି । ହେଲେ ଇତିମଧ୍ୟରେ ତାଙ୍କୁ ସୋସିଆଲ ମିଡିଆରେ ଖୁବ୍ ଟ୍ରୋଲ କରାଯାଉଛି । କାରଣ ସେ ନିଜକୁ ଦିବଙ୍ଗତ ଅଭିନେତ୍ରୀ ଶ୍ରୀଦେବୀଙ୍କ ସହ ତୁଳନା କରି ସମସ୍ତଙ୍କୁ ଚକିତ କରିଛନ୍ତି ।
କଙ୍ଗନା ଫିଲ୍ମ ‘ତନୁ ୱେଡସ୍ ମନୁ’ ରିଲିଜକୁ 10 ବର୍ଷ ପୂରଣ ଅବସରରେ ଏକ ଟ୍ବିଟ କରିଥିଲେ। ଆଉ ନିଜ ପ୍ରଶଂସାରେ ସେ ଶ୍ରୀଦେବୀଙ୍କୁ ମଧ୍ୟ ପଛରେ ପକାଇ ଦେଇଥିଲେ । ତାଙ୍କର ଏପରି ବ୍ୟବହାର ଶ୍ରୀଦେବୀ ଫ୍ୟାନ୍ସଙ୍କୁ ଆଦୌ ପସନ୍ଦ ଆସନାହିଁ ।
ଯେଉଁଥିରେ କଙ୍ଗନା କହିଥିଲେ, ‘ଶ୍ରୀଦେବୀଙ୍କ ପରେ ମୁଁ ଏକମାତ୍ର ଏମିତି ଅଭିନେତ୍ରୀ ଯିଏ ପରଦାରେ ସଠିକ୍ କମେଡି କରିପାରନ୍ତି ।’ ତାଙ୍କ ଏହି କଥାକୁ ଆଧାର କରି ଅନେକ ୟୁଜର୍ସ ତାଙ୍କୁ କଡା ପ୍ରଶ୍ନ ମଧ୍ୟ ପଚାରିବା ଆରମ୍ଭ କରିଦେଇଛନ୍ତି ।
ଜଣେ ୟୁଜର କମେଣ୍ଟ କରି ଲେଖିଛନ୍ତି, ‘ତୁମେ ଜୁହି ଚାୱଲାଙ୍କୁ କିପରି ଭୁଲି ଗଲ । ସେ ଭଲ କମେଡି କରୁଥିଲେ ।’ ସେହିପରି ଦ୍ବିତୀୟ ୟୁଜର ଲେଖିଛନ୍ତି, ‘କାହିଁକି ସବୁବେଳେ ମୁଁ ମୁଁ ହେଉଛ । ତୁମ ବ୍ୟତୀତ ବଲିଉଡରେ ଭଲ ଅଭିନେତ୍ରୀ ଅଛନ୍ତି ।’
ତୁମେ ଜଣେ ଚମତ୍କାର ଅଭିନେତ୍ରୀ ଏବଂ ଜଣେ ସଚ୍ଚୋଟ ମହିଳା । କିନ୍ତୁ ଖୋଲାଖୋଲି ଭାବରେ ତୁମର ଆତ୍ମ ପ୍ରଶଂସା ବର୍ତ୍ତମାନ ବହୁତ ବିରକ୍ତ ଲାଗୁଛି । ତାହା କର ନାହିଁ । ନମ୍ର ହୁଅ ଏବଂ ଭଲ କାମ ଜାରି ରଖ’ ବୋଲି ଆଉ ଜଣେ ୟୁଜର ଲେଖିଛନ୍ତି ।
