ମୁମ୍ବାଇ: ବଲିଉଡରେ ଷ୍ଟାରକିଡ୍ସଙ୍କ କ୍ୟାରିୟର ନିର୍ମାଣ କରିବାରେ ଗୁରୁତ୍ବପୂର୍ଣ୍ଣ ଭୂମିକା ଫେମସ ନିର୍ମାତା କରନ ଜୋହରଙ୍କର । ସେ ଏଯାବତ ଅନେକ ଷ୍ଟାରକିଡ୍ସଙ୍କୁ ନିଜ ଫିଲ୍ମ ଜରିଆରେ ବଲିଉଡରେ ସାମିଲ କରିସାରିଛନ୍ତି । ଏଥର ତାଙ୍କ ନଜର ଆଉ ଜଣେ ଷ୍ଟାରକିଡଙ୍କ ଉପରେ । ଆଜ୍ଞା ହଁ, କପୁର ବଂଶର ଆଉ ଜଣେ ଝିଅଙ୍କ ଡେବ୍ୟୁକୁ ନେଇ ଚର୍ଚ୍ଚା । କରନ ଅଭିନେତା ସଞ୍ଜୟ କପୁରଙ୍କ ଝିଅ ଶନାୟାଙ୍କୁ ବଲିଉଡରେ ଲଞ୍ଚ କରିବାକୁ ଯାଉଛନ୍ତି ।
କରନଙ୍କ ଧର୍ମା ପ୍ରଡକ୍ସନରେ ନିର୍ମାଣ ହେବାକୁ ଯାଉଥିବା ଫିଲ୍ମରେ ଡେବ୍ୟୁ କରିବେ ଶନାୟା । ସୋମବାର ସକାଳେ ଏହାର ଘୋଷଣା କରି କରନ ଜଣାଇଛନ୍ତି ଯେ ସେ ଶନାୟାଙ୍କୁ ନିଜ ଅପକମିଂ ଫିଲ୍ମ ଜରିଆରେ ଲଞ୍ଚ କରିବେ । ଯାହାର ଘୋଷଣା ଚଳିତ ବର୍ଷ ଜୁଲାଇରେ ହେବ ।