ମୁମ୍ବାଇ: ଏବର୍ଷର ବିଗ ବଜେଟ ଫିଲ୍ମରେ ସାମିଲ ଅଛି ବହୁ ପ୍ରତିକ୍ଷିତ ଫିଲ୍ମ ‘RRR’। ଯାହାକୁ ଦେଖିବାକୁ ଦୀର୍ଘ ସମୟରୁ ଅପେକ୍ଷା କରିଛନ୍ତି ଦର୍ଶକ। ଇତିମଧ୍ୟରେ ଫିଲ୍ମର ଡିଜିଟାଲ ରିଲିଜ ଘୋଷଣା କରି ସମସ୍ତଙ୍କ ମୁହଁରେ ହସ ଫୁଟାଇଛନ୍ତି ମେକର୍ସ । ସେହିପରି ଏହି ମଲ୍ଟି ଷ୍ଟାରର ଫିଲ୍ମକୁ ପ୍ରଥମ ସିନେମାହଲରେ ରିଲିଜ କରିବେ ମେକର୍ସ । ଆଉ ପରେ ଏହାକୁ ଓଟିଟି ପ୍ଲାଟଫର୍ମରେ ମଧ୍ୟ ରିଲିଜ କରିବାର ଯୋଜନା ରହିଛି ।
ଏହାର ସୂଚନା ଦେଇ ଫିଲ୍ମ କ୍ରିଟିକ ତରଣ ଆଦର୍ଶଙ୍କ ଏକ ଟ୍ବିଟ କରିଛନ୍ତି । ଯେଉଁଥିରେ ସେ ଲେଖିଛନ୍ତି, ‘ଫିଲ୍ମର ଡିଜିଟାଲ୍ ଷ୍ଟ୍ରିମିଂ ପାର୍ଟନର ହେଉଛି ଜି5 । ଯେଉଁଥିରେ ଫିଲ୍ମର ତେଲୁଗୁ, ତାମିଲ, ମାଲାୟାଲମ୍ ଏବଂ କନ୍ନଡ ଭର୍ସନ ରିଲିଜ ହେବ । ଏହା ବ୍ୟତୀତ ନେଟଫ୍ଲିକ୍ସରେ ଏହାର ହିନ୍ଦୀ ଭର୍ସନ ଦେଖିବେ ଦର୍ଶକ।’