ମୁମ୍ବାଇ: ‘ଉରି’ ଫେମ ଆକ୍ଟର ବିକ୍କୀ କୌଶଲଙ୍କ ଏଥର ବ୍ୟାକ ଟୁ ବ୍ୟାକ ଫିଲ୍ମରେ ନଜର ଆସିବେ । ଏହି କ୍ରମରେ ସାମିଲ ଅଛି ଭାରତର ପ୍ରଥମ ଫିଲ୍ଡ ମାର୍ଶାଲ ସାମ ମାନେକ୍ସାଙ୍କ ବାୟୋପିକ । ଯେଉଁଥିରେ ମୁଖ୍ୟ ଭୂମିକାରେ ନଜର ଆସିବେ ବିକ୍କୀ । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ମେଘନା ଗୁଲଜାର । ଆଜି ସାମ ମାନେକ୍ସାଙ୍କ 107ତମ ଜନ୍ମ ବାର୍ଷିକୀ । ଏହି ଅବସରରେ ଅଭନେତା ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
ସାମ ମାନେକ୍ସା 1971 ମସିହାରେ ଭାରତ-ପାକିସ୍ତାନ ଯୁଦ୍ଧ ସମୟରେ ଭାରତୀୟ ସେନାର ମୁଖ୍ୟ ଥିଲେ । ତାଙ୍କ ନେତୃତ୍ବରେ ଭାରତ ପାକିସ୍ଥାନକୁ ଯୁଦ୍ଧରେ ପରାଜିତ କରିଥିଲା । ତାଙ୍କୁ ଶ୍ରଦ୍ଧାଞ୍ଜଳି ଦେବାକୁ ଯାଇ ବିକ୍କୀ ଏକ ଭିଡିଓ ସେୟାର କରିଛନ୍ତି ।