ମୁମ୍ବାଇ: କଙ୍ଗନା ରଣାୱତ ସବୁବେଳେ ନିଜ ବିବାଦୀୟ ବୟାନ ପାଇଁ ଲାଇମଲାଇଟ୍ରେ ରୁହନ୍ତି । ଗତ ବର୍ଷରୁ ସେ ଦେଶରେ ଚାଲିଥିବା ଚାଷୀ ଆନ୍ଦୋଳନର ବିରୋଧ କରିଆସୁଛନ୍ତି । ଆଉ ଏହାକୁ ସମର୍ଥନ କରୁଥିବା ସେଲିବ୍ରିଟିଙ୍କୁ କଡା ଜବାବ ଦେବାରେ ଲାଗିଛନ୍ତି । ଇତିମଧ୍ୟରେ ସେ ଆଉ ଏକ କାରଣ ପାଇଁ ଚର୍ଚ୍ଚାରେ । ସେ ଟ୍ବିଟରେ ଏମିତି ଏକ କଥା କହିଛନ୍ତି, ଯାହାକୁ ନେଇ ସୋସିଆଲ ମିଡିଆରେ ବର୍ତ୍ତମାନ ତାଙ୍କର ମଜା ଉଡାଉଛନ୍ତି ୟୁଜର୍ସ । ସେପଟେ ସବୁବେଳେ ତାଙ୍କ ସହ ମୁହାଁମୁହିଁ ହେଉଥିବା ଅଭିନେତ୍ରା ସ୍ବରା ଭାସ୍କର ମଧ୍ୟ ଏହି ମଜାରେ ସାମିଲ ଅଛନ୍ତି ।
ତେବେ କଥାଟି ହେଲା ଯେ ମଙ୍ଗଳବାର ଏକ ପୋଷ୍ଟରେ କଙ୍ଗନା ଲେଖିଥିଲେ, ‘ମୁଁ ଜଣେ ଅଭିନେତ୍ରୀ ଭାବରେ ଯେଉଁ ପ୍ରକାରର ରେଞ୍ଜ ପ୍ରଦର୍ଶନ କରେ, ଏହି ଗ୍ଲୋବାଲରେ ଅନ୍ୟ କୌଣସି ଅଭିନେତ୍ରୀ ପାଖରେ ଏହି ଦକ୍ଷ ବର୍ତ୍ତମାନ ନାହିଁ ।’