ମୁମ୍ବାଇ: କଙ୍ଗନା ରାଣାୱତ କେବେ ଚୁପ ବସିବା ଅଭିନେତ୍ରୀ ନୁହେଁ । ଗତ ବର୍ଷ ଲୋକପ୍ରିୟ ଅଭିନେତା ତଥା ଗାୟକ ଦିଲଜିତ ଦୋସାଞ୍ଝଙ୍କ ମଧ୍ୟରେ ଦେଶରେ ଚାଲିଥିବା କୃଷକ ଆନ୍ଦୋଳନକୁ ନେଇ ଟ୍ବିଟର ୱାର ହୋଇଥିଲା । ଯାହା ଚର୍ଚ୍ଚାର ବିଷୟ ପାଲଟିଥିଲା । ପୁଣି ନୂଆ ବର୍ଷରେ ଆରମ୍ଭ ହୋଇଯାଇଛି କଙ୍ଗନାଙ୍କ ଟାର୍ଗେଟ ପ୍ରକ୍ରିୟା । ସେ ପୁଣିଥରେ ଦିଲଜିତଙ୍କୁ ଉପରେ ସମାଲୋଚନା କରି ଚର୍ଚ୍ଚାରେ । ଯାହାଦ୍ବାରା ଆରମ୍ଭ ହୋଇଯାଇଛି ଦୁଇଜଣଙ୍କ ବାକ୍ ଯୁଦ୍ଧ ।
କଥାଟି ହେଲା ଯେ ନିକଟରେ ଦିଲଜିତ ସୋସିଆଲ ମିଡିଆରେ ନିଜର ଫଟୋ ପୋଷ୍ଟ କରିଥିଲେ । ଯେଉଁଥିରେ ସେ ବରଫ ପଡୁଥିବା ସ୍ଥାନରେ ଠିଆ ହୋଇଥିବାର ଦେଖାଯାଉଥିଲେ । ସେପଟେ ତାଙ୍କ ଏହି ପୋଷ୍ଟରେ କମେଣ୍ଟ କରି କଙ୍ଗନା ଲେଖିଥିଲେ, ‘ବାଃ ଭାଇ । ଦେଶରେ ନିଆଁ ଲଗାଇ, କୃଷକଙ୍କୁ ରାସ୍ତାରେ ବସାଇ ସ୍ଥାନୀୟ କ୍ରାନ୍ତିକାରୀ ବିଦେଶରେ ଶୀତର ମଜା ନେଉଛନ୍ତି । ବାଃ ଏହାକୁ କୁହାଯାଏ ସ୍ଥାନୀୟ କ୍ରାନ୍ତି ।’