40 ଦିନରେ ସୁପରହଟ ହେଲେ ହୁମା, ଦେଖନ୍ତୁ

ଭାଇରାଲ ହେଲା ହୁମାଙ୍କ ନୂଆ ଭିଡିଓ। ଏଥର ତାଙ୍କ ଫିଟନେସକୁ ନେଇ ଚର୍ଚ୍ଚା। କାରଣ ଲକଡାଉନରେ ଘରେ ରହି ସେ ୱାର୍କଆଉଟ କରିବାରେ ମାତିଛନ୍ତି।

ମୁମ୍ବାଇ: କୋରୋନା ସଙ୍କଟ ପାଇଁ ଦେଶରେ ଜିମ ଓ ଫିଟନେସ ସେଣ୍ଟର ଦୀର୍ଘ ସମୟରୁ ବନ୍ଦ ପଡିଛି । ଏମିତି ପରିସ୍ଥିତିରେ ସେଲିବ୍ରିଟି ନିଜ ନିଜ ଘରେ ୱାର୍କଆଉଟ, ଯୋଗ କରି ନିଜକୁ ଫିଟ୍ ରଖୁଥିବାର ନଜର ଆସୁଛନ୍ତି । ହେଲେ ଇତିମଧ୍ୟରେ ଫେମସ ଅଭିନେତ୍ରୀ ହୁମା କୁରୈଶୀଙ୍କ ଶାନଦାର ବଡି ଟ୍ରାନ୍ସଫର୍ମ ଦେଖିବାକୁ ମିଳୁଛି। ଯାହାକୁ ନେଇ ଆଶ୍ଚର୍ଯ୍ୟ ଫ୍ୟାନ୍ସ । ସେ ନିଜର ଏକ ଭିଡିଓ ସୋସିଆଲ ମିଡିଆରେ ସେୟାର କରି ଚର୍ଚ୍ଚାରେ । ଯେଉଁଥିରେ ତାଙ୍କ ମସଲ୍ସ ଦେଖିବାକୁ ମିଳୁଛି ।

ହୁମା 40 ଦିନ ମଧ୍ୟରେ କଡା ପରିଶ୍ରମ କରି ନିଜ ବଡିକୁ ଏକଦମ ପରଫେକ୍ଟ କରିଦେଇଛନ୍ତି । ଇନଷ୍ଟାଗ୍ରାମରେ ଭିଡିଓ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ମଜବୁତ ସୁସ୍ଥ, ଫ୍ରେଶ ଆଉ ପତଳା । ଜଣେ ଝିଅକୁ ଏହାଠୁ ଅଧିକ କଣ ଦରକାର । ମୁଁ ପାଖାପାଖି 40 ଦିନରୁ ୱାର୍କଆଉଟ କରି ସମୟ ବିତାଇଆସୁଛି ।’ ଏହାସହ ସେ ନିଜ କୋଚଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।

ପ୍ରକାଶ ଥାଉକି ନିକଟରେ ଓଟିଟି ପ୍ଲାଟଫର୍ମରେ ରିଲିଜ ହୋଇଥିବା ନୱାଜୁଦ୍ଦୀନ ସିଦ୍ଦିକୀଙ୍କ ଚର୍ଚ୍ଚିତ ଫିଲ୍ମ ‘ଘୂମକେତୁ’ରେ ନଜର ଆସିଥିଲେ। ଏହାବ୍ୟତୀତ ସେ ଅକ୍ଷୟ କୁମାରଙ୍କ ଆଗାମୀ ଫିଲ୍ମ ବେଲ ବଟମରେ ଦେଖାଯିବେ । ଆଉ କିଛି ଦିନ ପରେ ଏହି ଫିଲ୍ମର ସୁଟିଂ ଆରମ୍ଭ ହେବ।