ଅଭିନୟ ଛାଡିବା କଥାକୁ ଖଣ୍ଡନ କଲେ ଅନୀତା, କହିଲେ ‘କରିବି ଦମଦାର ଏଣ୍ଟ୍ରି’

ସାମ୍ନାକୁ ଆସିଲା ବଡ ଖବର । ଅଭିନୟ ଦୁନିଆକୁ ଫେରିବେ ଅନୀତା । ଅଭିନୟକୁ ଅଲବିଦା କହି ଖବର ଉପରେ ଦେଲେ ପ୍ରତିକ୍ରିୟା । ଅଧିକ ପଢନ୍ତୁ...

ମୁମ୍ବାଇ: ନିକଟରେ ଲୋକପ୍ରିୟ ଅଭିନେତ୍ରୀ ଅନୀତା ହସନନ୍ଦାନୀଙ୍କ ଅଭିନୟ ଦୁନିଆ ଛାଡିବା କଥା କହି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ । ନିଜ ବେବି ବୟ ଓ ପରିବାରକୁ ସମ୍ଭାଳିବା ପାଇଁ ସେ ଏପରି ନିଷ୍ପତ୍ତି ନେଇଛନ୍ତି ବୋଲି କହି ଫ୍ୟାନ୍ସଙ୍କୁ ନିରାଶ କରିଥିଲେ । ଇତିମଧ୍ୟରେ ସେ ବଡ ସରପ୍ରାଇଜ ଦେଇ ଚର୍ଚ୍ଚାରେ ।

କଥାଟି ହେଲା ଯେ ଅଭିନୟ ଦୁନିଆକୁ ଛାଡିବା କଥା କହିଥିବା ଅନୀତା ଏହି ଖବରକୁ ବର୍ତ୍ତମାନ ଖଣ୍ଡନ କରିଛନ୍ତି । ଆଉ ଜଣାଇଛନ୍ତି ଯେ ସେ ଦେଇଥିବା ସାକ୍ଷାତକାରରେ ତାଙ୍କ କଥାକୁ ଭୁଲ ରୂପେ ପ୍ରସାରଣ କରାଯାଇଥିଲା । ସେ କେବେ ମଧ୍ୟ ଅଭିନୟ ଛାଡିବା କଥା କହିନଥିଲେ । କାରଣ ସେ ବେବି ବୟକୁ ଜନ୍ମ ଦେବା ପରେ କାମକୁ ଫେରିବାକୁ ଚାହୁଁଛନ୍ତି।

ଆଉ ଯେବେ ମଧ୍ୟ ତାଙ୍କୁ ସୁଯୋଗ ମିଳିବ ସେ ଦମଦାର ଏଣ୍ଟ୍ରି କରିବେ । ପ୍ରକାଶ ଥାଉକି ଅନୀତା ଓ ତାଙ୍କ ସ୍ବାମୀ ରୋହିତ ରେଡ୍ଡୀ ଗତ ଫେବୃଆରୀରେ ବେବି ବୟର ବାପା-ମା' ହୋଇଥିଲେ ।