ମୁମ୍ବାଇ: ବଲିଉଡର ଏର୍ନଜେଟିକ ଆକ୍ଟର ରଣବୀର ସିଂଙ୍କ ବହୁପ୍ରତିକ୍ଷିତ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’କୁ ନେଇ ଉତ୍ସାହିତ ଦର୍ଶକ । ଫିଲ୍ମରେ କ୍ରିକେଟ କିମ୍ବଦନ୍ତୀ କପିଲ ଦେବଙ୍କ ଭୂମିକାରେ ଦେଖାଯିବେ ସେ । ସେହିପରି ତାଙ୍କ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନଙ୍କୁ ମଧ୍ୟ ଫିଲ୍ମରେ ଦେଖିବାକୁ ମିଳିବ। ଇତିମଧ୍ୟରେ ରଣବୀର ଓ ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀଙ୍କୁ ନେଇ ନୂଆ ଚର୍ଚ୍ଚା । ଯାହା ଫ୍ୟାନ୍ସଙ୍କୁ ଖୁସି କରିଦେବ । କାରଣ ପୁଣିଥରେ ପରଦାରେ ଜମିବ ଏହି ଦୁଇଜଣଙ୍କ ମସ୍ତିଭରା ଯୋଡି । ଆଜ୍ଞା ହଁ, ରୋହିତଙ୍କ ଆଗାମୀ କମେଡି ଡ୍ରାମା ଫିଲ୍ମ ‘ସର୍କସ’ରେ ଅଭିନୟ କରିବେ ରଣବୀର । ଯାହାପାଇଁ ବର୍ତ୍ତମାନ ସେ ରାଜି ହୋଇଛନ୍ତି ।
ଫିଲ୍ମଟି ୱିଲୟମ୍ ସେକ୍ସପିୟରଙ୍କ କ୍ଲାସିକ୍ ନାଟକ ‘ଦି କମେଡି ଅଫ୍ ଏରର୍ସ’ ଉପରେ ଆଧାରିତ । ଯାହାର କାହାଣୀ ଦୁଇଟି ଯାଆଁଳା ପିଲାଙ୍କର ଯେଉଁମାନେ ଜନ୍ମ ସମୟରେ ଅଲଗା ହୋଇଯାଇଥିବେ।