ଜାତୀୟ ପୁରସ୍କାରରେ ସମ୍ମାନିତ ହେବା ପରେ ଖୁସି ପ୍ରକାଶ କଲେ ମନୋଜ

ମନୋଜଙ୍କୁ ତାଙ୍କ ଅଭିନୀତ ଚଳଚ୍ଚିତ୍ର ‘ଭୋନ୍ସଲେ’ ପାଇଁ ଶ୍ରେଷ୍ଠ ଅଭିନେତା ଭାବେ ପୁରସ୍କୃତ କରାଯାଇଛି । ଅଧିକ ପଢନ୍ତୁ...

ମୁମ୍ବାଇ: ଜାତୀୟ ଚଳଚ୍ଚିତ୍ର ପୁରସ୍କାର ସମାରୋହର 67 ତମ ସଂସ୍କରଣ ଘୋଷଣା କରାଯାଇଛି | ହିନ୍ଦୀ ଚଳଚ୍ଚିତ୍ର 'ଭୋନ୍ସଲେ' ପାଇଁ ମନୋଜ ବାଜପେୟୀ ଏବଂ ତାମିଲ ଚଳଚ୍ଚିତ୍ର 'ଅସୁରାନ୍' ପାଇଁ ଧନୁଷଙ୍କୁ ମିଳିତ ଭାବେ ସୋମବାର ଦିନ ଜାତୀୟ ଚଳଚ୍ଚିତ୍ର ପୁରସ୍କାର ଅଧୀନରେ ଶ୍ରେଷ୍ଠ ଅଭିନେତା ଭାବରେ ଘୋଷଣା କରାଯାଇଛି। ଏହି ଅବସରରେ ନିଜ ଖୁସି ପ୍ରକାଶ କରିଛନ୍ତି ମନୋଜ ।

ଆଉ କହିଛନ୍ତି, ‘ଏହି ଚଳଚ୍ଚିତ୍ରରେ ବିଶ୍ବାସ କରୁଥିବା ଏବଂ ମୋ ଉପରେ ବିଶ୍ବାସ ରଖିଥିବା ସମସ୍ତଙ୍କୁ ମୁଁ କୃତଜ୍ଞତା ଜଣାଉଛି। ମୁଁ ମୋର ନିର୍ଦ୍ଦେଶକ ଦେବାଶିଷ ମଖିଆ, ମୋର କୋ-ଷ୍ଟାର ସାନ୍ତୋଶ ଜୁଭେକର ଏବଂ ଇପସିତା ଚକ୍ରବର୍ତ୍ତୀ, ମୋର ନିର୍ମାତା ସନ୍ଦୀପ କପୁର, ପୀୟୁଷ ସିଂ, ସୌରଭ ଗୁପ୍ତାଙ୍କୁ ଧନ୍ୟବାଦ ଜଣାଉଛି । ମୋର ହୃଦୟର ଅନ୍ତରରୁ, ମୁଁ ଏହି ଚଳଚ୍ଚିତ୍ର ଏବଂ ମୋତେ ସମର୍ଥନ କରିଥିବା ପ୍ରତ୍ୟେକଙ୍କ ପାଇଁ ମୁଁ କୃତଜ୍ଞ ଅଟେ । ମୁଁ ପ୍ରକୃତରେ ଅନୁଭବ କରୁଛି ଯେ ଏହି ପୁରସ୍କାର କେବଳ ମୋ ପାଇଁ ନୁହେଁ, ଆପଣ ସମସ୍ତଙ୍କ ପାଇଁ ମଧ୍ୟ। ଭୋନ୍ସଲେ ଏହି ଜାତୀୟ ପୁରସ୍କାରରେ ସମ୍ମାନିତ ହେବାରୁ ମୁଁ କେବଳ କୃତଜ୍ଞତା ଅନୁଭବ କରୁଛି ଆଉ କିଛି ନୁହେଁ।’

ପ୍ରକାଶ ଥାଉକି ଏହି ଚଳଚ୍ଚିତ୍ରଟି ମୁମ୍ବାଇରେ ପ୍ରବାସୀ ଭାରତୀୟମାନେ ସମ୍ମୁଖୀନ ହେଉଥିବା ପ୍ରକୃତ ସମସ୍ୟା ସହିତ ସମ୍ପୃକ୍ତ, ଯାହା ବର୍ତ୍ତମାନ ସମୟରେ ପ୍ରଯୁଜ୍ୟ । ମନୋଜ ଗଣପତି ଭୋନ୍ସଲେଙ୍କ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଆଉ ତାଙ୍କ ଦମଦାର ଅଭିନୟ ପାଇଁ ତାଙ୍କୁ ଫିଲ୍ମ କ୍ରିଟିକ୍ସଙ୍କଠୁ ମଧ୍ୟ ପ୍ରଶଂସା ମିଳିଛି।