ମୁମ୍ବାଇ: ‘ଦୋସ୍ତାନା 2’ରୁ କ୍ୟୁଟ ଆକ୍ଟର କାର୍ତ୍ତିକଙ୍କୁ ନିକଟରେ ବାହାର କରି ନିର୍ମାତା କରନ ଜୋହର ଅକ୍ଷୟ କୁମାରଙ୍କୁ ସାମିଲ କରିଥିଲେ । ଏହି ମାମଲା ଏଯାବତ ଶାନ୍ତ ପଡିନାହିଁ । ଯାହାପାଇଁ କାର୍ତ୍ତିକଙ୍କୁ ଅନେକ ନକରାତ୍ମକ ଜିନିଷ ସହ ମୁକାବୁଲା କରିବାକୁ ପଡୁଛି । ହେଲେ ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ଖୁସି ନକହିଲେ ସରେ । କାରଣ ତାଙ୍କ ହାତରେ ଲାଗିଛି ନୂଆ ପ୍ରୋଜେକ୍ଟ । ‘ଦୋସ୍ତାନା 2’ରୁ ତାଙ୍କୁ ଆଉଟ କରିବା ପ୍ରସଙ୍ଗ ଫ୍ୟାନ୍ସଙ୍କୁ ଏଯାବତ ଦୁଃଖ ଦେଇଆସୁଥିଲା । ହେଲେ ଏବେ କିନ୍ତୁ ଏହି ନୂଆ ଖବର ଶୁଣି ସମସ୍ତେ ଖୁସ୍ ନଜର ଆସୁଛନ୍ତି ।
ଶୁଣିବାକୁ ମିଳୁଛି ଯେ ଫେମସ ନିର୍ଦ୍ଦେଶକ ହଂସଲ ମେହେତାଙ୍କ ଆଗାମୀ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିବେ କାର୍ତ୍ତିକ । ସେହିପରି ଫିଲ୍ମରେ ତାଙ୍କ ସହ ନଜର ଆସିବେ ଅଭିନେତା ହରମନ ବାୱେଜା । ସେ ଏହି ଫିଲ୍ମ ଜରିଆରେ ପୁଣି ବଲିଉଡକୁ କମବ୍ୟାକ କରୁଛନ୍ତି ।