ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିରେ ବର୍ତ୍ତମାନ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାକୁ ନେଇ ଚର୍ଚ୍ଚା ଚାଲିଥିବା ବେଳେ ଏମିତି ଏକ ଖବର ସାମ୍ନାକୁ ଆସିଛି । ଯାହା ଚର୍ଚ୍ଚାର ବିଷୟ ପାଲଟିଛି । ଆଜ୍ଞା ହଁ, ଇତିମଧ୍ୟରେ ବଲିଉଡର ଏମିତି ଜଣେ ଅଭିନେତାଙ୍କ ବାୟୋପିକ ଘୋଷଣା ହୋଇଛି । ଯାହାଙ୍କ ମୃତ୍ୟୁ ଆଜି ପର୍ଯ୍ୟନ୍ତ ସମସ୍ତଙ୍କ ପାଇଁ ରହସ୍ୟମୟୀ ହୋଇ ରହିଛି । ଯେପରି ଏବେ ସୁଶାନ୍ତଙ୍କ ମୃତ୍ୟୁ ରହସ୍ୟ ଘେରରେ। ଏହି ମହାନ ଅଭିନେତା, ନିର୍ମାତା ଓ ନିର୍ଦ୍ଦେଶକ ଗୁରୁ ଦତ୍ତ । ଯାହାଙ୍କ ଉପରେ ଫିଲ୍ମ ନିର୍ମାଣ କରିବାର ଘୋଷଣା କରିଛନ୍ତି ଫେମସ ନିର୍ମାତା ଶୀତଲ ତଲୱାର।
ଶୀତଲ ଏହି ଫିଲ୍ମ ପତ୍ନୀ ଭାବନା ତଲୱାରଙ୍କ ସହ ମିଶି ନିର୍ମାଣ କରିବାକୁ ଚାହୁଁଛନ୍ତି । ଗୁରୁ ଦତ୍ତଙ୍କ ପ୍ରକୃତ ନାମ ବସନ୍ତ କୁମାର ପାଦୁକୋଣେ ଥିଲା । ସେହିପରି ତାଙ୍କ ବାୟୋପିକର ନାମ ‘ପ୍ୟାସା’ ରଖାଯାଇଛି ।