ମୁମ୍ବାଇ:ବି-ଟାଉନର ମିଷ୍ଟର ଝକାସ୍ ଅନିଲ କପୁର ନିଜ ଫିଟନେସ ଦ୍ବାରା ଆଜିର ୟଙ୍ଗ ଷ୍ଟାରଙ୍କୁ ମାତ ଦେଉଛନ୍ତି । ତାଙ୍କ ଫିଟନେସ ଆଗାରେ ଫେଲ୍ ମାରୁଛନ୍ତି ଅନ୍ୟ ଅଭିନେତା । ତାଙ୍କ ବୟସ ବଢିବା ସହ ସେ ଆହୁରି ହ୍ୟାଣ୍ଡସମ ହେବାରେ ଲାଗିଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି । ଆଉ ତାଙ୍କ ଫଟୋ ସୋସିଆଲ ମିଡିଆରେ ଚହଳ ସୃଷ୍ଟି କରେ । ଏଥର ମଧ୍ୟ ଏପରି କିଛି ଦେଖିବାକୁ ମିଳିଛି । ଯାହା ଉପରେ କମେଣ୍ଟ କରି ଚର୍ଚ୍ଚାରେ ତାଙ୍କ ଜ୍ବାଇଁ ଆନନ୍ଦ ଆହୁଜା ଓ ଅଭିନେତା ବରୁଣ ଧୱନ ।
କଥାଟି ହେଲା ଯେ ଇନଷ୍ଟାଗ୍ରାମରେ ଅନିଲ ନିଜର ଏକ ଫଟୋ ପୋଷ୍ଟ କରିଥିଲେ । ଯେଉଁଥିରେ ସେ ହ୍ବାଇଟ ସର୍ଟ ଓ ବ୍ଲାକ ପ୍ୟାଣ୍ଟ ପିନ୍ଧି ମଡେଲ ଭଳି ସମୁଦ୍ର କୂଳରେ ପୋଜ ଦେଇଛନ୍ତି । ଯାହାର କ୍ୟାପସନରେ ସେ ଲେଖିଛନ୍ତି, ‘ସବୁକିଛି ବ୍ଲାକ ଆଣ୍ଡ ହ୍ବାଇଟ ନୁହେଁ । ହେଲେ ମୋ ପିକ୍ଚର ହୋଇପାରେ ।’