ମୁମ୍ବାଇ: ବି-ଟାଉନର ଜୁନିୟର ବଚ୍ଚନ ଅଭିଷେକଙ୍କ ଆଗାମୀ ଚର୍ଚ୍ଚିତ ଫିଲ୍ମ ‘ଲୁଡୋ’ ନେଟଫ୍ଲିକ୍ସରେ ଖୁବଶୀଘ୍ର ରିଲିଜ ହେବାକୁ ଯାଉଛି। ରିଲିଜ ପୂର୍ବରୁ ଅଭିଷେକ ଇନଷ୍ଟାଗ୍ରାମରେ 'ଲୁଡୋ'ରୁ ତାଙ୍କ ନୂଆ ଲୁକ ସେୟାର କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ଯେଉଁଥିରେ ତାଙ୍କ ଭୟାନକ ରୂପ ଦେଖିବାକୁ ମିଳୁଛି । ଏହି ଫିଲ୍ମରେ ସେ ବିଟୁ ଭୂମିକାରେ ନଜର ଆସିବେ ।
ଇନଷ୍ଟାଗ୍ରାମରେ ଫଟୋ ସେୟାର କରି ଲେଖିଛନ୍ତି, ‘ବିଟୁ ମୁଁ ଲୁଡୋରେ ଅଭିନୟ କରୁଥିବା ଭୂମିକାଟି ବହୁତ କ୍ଲାସିକ୍ । ଯାହା ବାହାରୁ କଠୋର ଏବଂ ଭିତରରୁ କୋମଳ ହୃଦୟ ଥିବା ମଣିଷ। ଏହି ଭୂମିକାରେ ଅଭିନୟ କରିବା ଅତ୍ୟନ୍ତ ଚ୍ୟାଲେଞ୍ଜିଂ ଥିବା ସହ ସନ୍ତୋଷଜନକ ମଧ୍ୟ ମୋ ପାଇଁ ଥିଲା । ମୁଁ ଏହାକୁ ସମସ୍ତଙ୍କ ସହ ପରିଚିତ କରାଇବାକୁ ଉତ୍ସାହର ସହିତ ଅପେକ୍ଷା କରିଛି । ନଭେମ୍ବର 12 ରେ ନେଟଫ୍ଲିକ୍ସରେ ଆସିବ ଲୁଡୋ ।’