ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଭାରତର ସୁପରଷ୍ଟାର ରଜନୀକାନ୍ତଙ୍କୁ 70 ତମ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି ଏବଂ ତାଙ୍କର ଦୀର୍ଘ ଓ ସୁସ୍ଥ ଜୀବନ ପାଇଁ କାମନା କରିଛନ୍ତି । 1950 ଡିସେମ୍ବର 12ରେ ବେଙ୍ଗାଲୁରୁରେ ଜନ୍ମ ଗ୍ରହଣ କରିଥିଲେ ରଜନୀ । ଦମଦାର ଅଭନିୟ ଜରିଆରେ ଏଯାବତ ସମସ୍ତଙ୍କୁ କରୁଛନ୍ତି ମନୋରଞ୍ଜନ । ବର୍ତ୍ତମାନ ଜନ୍ମଦିନରେ ଛୁଟୁଛି ପ୍ରଶଂସକଙ୍କ ଶୁଭେଚ୍ଛା । ତାଙ୍କ ପ୍ରଶଂସାଙ୍କ ମଧ୍ୟରେ ସାମିଲ ଅଛନ୍ତି ମୋଦି ।
ଥଲାଇବାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ମୋଦି - ନରେନ୍ଦ୍ର ମୋଦିଙ୍କ ଟ୍ବିଟ ଭାଇରାଲ
ଟ୍ବିଟ କରି ନିଜ ପସନ୍ଦୀୟ ଅଭିନେତା ରଜନୀଙ୍କୁ ବର୍ଥଡେ ୱିଶ କରିଛନ୍ତି ପିଏମ ମୋଦି । 150 ଫିଲ୍ମରେ ଦେଖାଇସାରିଛନ୍ତି ନିଜ ଶାନଦାର ଅଭିନୟ । ଅଧିକ ପଢନ୍ତୁ...
ଡିଜାଇନ ଫଟୋ
ସେ ମଧ୍ୟ ଟ୍ବିଟ କରି ଲେଖିଛନ୍ତି, ‘ପ୍ରିୟ ରଜନୀ ଜନ୍ମଦିନର ଶୁଭେଚ୍ଛା । ଆପଣ ଏକ ଦୀର୍ଘ ଏବଂ ସୁସ୍ଥ ଜୀବନଯାପନ କରନ୍ତୁ ।’ ପ୍ରକାଶ ଥାଉକି 1975ରେ ଆସିଥିବା ଫିଲ୍ମ ‘ଅପୂର୍ବା ରାଗନଗଲ’ରେ ଡେବ୍ୟୁ କରିଥିବା ରଜନୀ ଗତ ଅଗଷ୍ଟ ମାସରେ ଅଭିନୟ ଦୁନିଆରେ 45 ବର୍ଷ ପୂରଣ କରିଥିଲେ ।
ଏହାବ୍ୟତୀତ ସେ ଗତ 4 ତାରିଖରେ ରାଜନୀତିରେ ସାମିଲ ହେବା ଘୋଷଣା କରି ଫ୍ୟାନ୍ସଙ୍କୁ ଦେଇଥିଲେ ସରପ୍ରାଇଜ । ଜାନୁଆରୀ 2021 ସୁଦ୍ଧା ନିଜ ରାଜନୈତିକ ଦଳ ଆରମ୍ଭ କରିବେ ଏବଂ ବିଧାନସଭା ନିର୍ବାଚନରେ ପ୍ରତିଦ୍ବନ୍ଦ୍ବିତା କରିବେ ବୋଲି ସେ ସମସ୍ତଙ୍କୁ ଜଣାଇଥିଲେ ।