ହାଇଦ୍ରାବାଦ: ଲୋକପ୍ରିୟ ସଙ୍ଗୀତଜ୍ଞ ତଥା ଗାୟକ ବାପି ଲାହିରିଙ୍କ ଦେହାନ୍ତ ହୋଇଛି । ମୁମ୍ବାଇର ଏକ ଘରୋଇ ହସ୍ପିଟାଲରେ ୬୯ ବର୍ଷ ବୟସରେ ଶେଷ ନିଶ୍ବାସ ତ୍ୟାଗ କରିଛନ୍ତି ବାପି ଲାହିରି । ଗତ ବର୍ଷ ଏପ୍ରିଲରେ କୋଭିଡ ପଜିଟିଭ ପରେ ମୁମ୍ବାଇର ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି ହୋଇଥିଲେ । କିଛି ଦିନ ପରେ ସେ ସୁସ୍ଥ ହୋଇଥିଲେ । ଏହା ପରେ ସେ ପୁଣି ଅସୁସ୍ଥ ହୋଇଥିଲେ । ଲାହିରିଙ୍କୁ ଏକ ମାସ ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସୋମବାର ଦିନ ଡିସଚାର୍ଜ କରାଯାଇଥିଲା । କିନ୍ତୁ ମଙ୍ଗଳବାର ପୁଣି ତାଙ୍କ ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା ପୁଣି ଡାକ୍ତରଖାନାକୁ ଅଣାଯାଇଥିଲା । ମଙ୍ଗଳବାର ରାତି 11.45ରେ ତାଙ୍କର ଦେହାନ୍ତ ହୋଇଛି।
ଶୋକ ବ୍ୟକ୍ତ କଲେ ପ୍ରଧାନମନ୍ତ୍ରୀ
ଶ୍ରୀ ବାପି ଲାହିରି ଜୀଙ୍କର ସଂଗୀତରେ ଥିଲା ଯାଦୁ, ବିଭିନ୍ନ ଭାବନାକୁ ସୁନ୍ଦର ଭାବରେ ବ୍ୟକ୍ତ କରୁଥିଲେ । ପ୍ରତ୍ୟେକ ପିଢିର ଲୋକମାନେ ତାଙ୍କ ଗୀତ ସହିତ ରିଲେଟ କରିପାରିବେ । ତାଙ୍କର ଜୀବନ୍ତ ସ୍ବଭାବ ସମସ୍ତଙ୍କୁ ମନେ ରହିବ । ତାଙ୍କ ମୃତ୍ୟୁରେ ମୁଁ ଦୁଃଖିତ। ତାଙ୍କ ପରିବାର ଏବଂ ପ୍ରଶଂସକଙ୍କ ପ୍ରତି ସମବେଦନା । ଓମ୍ ଶାନ୍ତି ଲେଖି ଶ୍ରଦ୍ଧାଞ୍ଜଳି ଜଣାଇଛନ୍ତି ପ୍ରଧାନମନ୍ତ୍ରୀ ।
ଶୋକ ବ୍ୟକ୍ତ କଲେ ଗୃହମନ୍ତ୍ରୀ ଅମିତ
କିମ୍ବଦନ୍ତୀ ଗାୟକ ତଥା ସଙ୍ଗୀତଜ୍ଞ ବାପି ଲାହିରି ଜୀଙ୍କର ଦେହାନ୍ତ ବିଷୟରେ ଜାଣିବା ପରେ ମୁଁ ଦୁଃଖିତ । ତାଙ୍କ ମୃତ୍ୟୁ ଭାରତୀୟ ସଙ୍ଗୀତ ଜଗତରେ ଏକ ବଡ଼ ଶୂନ୍ୟସ୍ଥାନ ସୃଷ୍ଟି କରିଛି। ବାପି ଦା ତାଙ୍କର ବହୁମୁଖୀ ଗୀତ ଏବଂ ଜୀବନ୍ତ ପ୍ରକୃତି ପାଇଁ ସ୍ମରଣୀୟ ରହିବେ । ତାଙ୍କ ପରିବାର ଏବଂ ପ୍ରଶଂସକଙ୍କ ପ୍ରତି ମୋର ସମବେଦନା । ଓମ୍ ଶାନ୍ତି